مركز التحميل | نظام التقييم | البوابة الاكترونيه




شروط وقوانيين المنتدى
بحاجة لمشرفين ومشرفات
موقع تسوق tsoq.net لعرض تجارتك وتسويقها لاكبر شريح حراج العقارات والسيارات وحواء والإلكترونيات والكه
التميز خلال 24 ساعة
 العضو الأكثر نشاطاً هذا اليوم   الموضوع النشط هذا اليوم   المشرف المميزلهذا اليوم    المشرفة المميزه 
مركز بروكوالا
ورش عمل الطــــــــاقة الـــمتــــجـددة2019
بقلم : مركز بروكوالا
قريبا
قريبا


الصفحة الرئيسية قوانين المنتدى مركز الرفع البديل موقع جامعة أم القرى إختبر انقليزيتك افحص نظرك الترجمة


~*¤ قـسـم الـلـغـة الإنـجـلـيـزيـة وتـعـلـم الـلـغـات ¤*~ يختص بالمواضيع العامة والتعليمية والأمثال وجميع دروس تعليم اللغة الإنجليزية وما يتعلق بها ,, بالإضافة إلي باقي اللغات الاخرى



موضوع مغلق
 
LinkBack أدوات الموضوع إبحث في الموضوع انواع عرض الموضوع
قديم 07-12-2010   #1 (permalink)
عضو مجتهد
 
تاريخ التسجيل: Oct 2009
المشاركات: 296
Oo5o.com (5) أسلوب أستاذات سنة 1و2 فقط...



بسم الله الرحمن الرحيم
هذا الموضوع لطالبات سنة أولى وسنة ثانية و خصوصا للمستجدات .. أنا قلت أنزله دحين عشان قبل ماتنزل الجداول ...
لأنه لما تنزل أكيد الكل راح يستفسر عن الأستاذة الفلانية ... فقلت أنزله من دحين عشان يردوا البنات ويكون الموضوع جاهز في وقت نزول الجداول وما تحتاجوا إنكم تستفسروا عن أحد ... الموضوع دا ... عن الأستاذات الجديدات الي يدرسوا سنة 1و2 فقط.. وما ورد ذكرهم في الموضوع المثبت ممكن يكون في تكرير عن البعض يعني مذكورين هنا وهناك بس هنا حاولت أنا ومجموعة من البنات نكتب لكم ( كيف أنجح عند دي الأستاذة بامتياز و أ+ كمان ) مانبغا كلام زي ( أكره دي الأستاذة .. ولا هادي علة ومدريش) لا الكلام السلبي ماله مكان لأنه كل انسان له عيوبه وكمان أنا اكتشفت انه الأستاذة الي يعجبك أسلوبها مايعجب غيرك والعكس وهادا شيء طبيعي حتى أنا مارتحت لأسلوب بعض الأستاذات لكن لابد إني أكيّف نفسي عشان أتعلم وأنجح و أجيب درجات عالية .. فحاولت أجمع المعلومات الي حاطتها من بنات مرتاحين مع أستاذاتهم وجابوا درجات عالية ... وتحريت من مصداقية الكلام الموجود ... فلو سمحتوا لا مكان للردووود السلبية هنا ..
تذكروا بعد كم سنة احنا حنسير أستاذات القسم ... اش تحبي ينقال عنك ... هل تحبي أحد يفتري ويقول عنك شي سيء وغلط؟
قال تعالى ( مايلفظ من قول إلا لديه رقيب عتيد )

أ/ هالة الحتيرشي :
أستاذة محترمة جدا ومنضبطة في مواعيدها وعملها ... تشرح باخلاص وتساعدك على قد ماتقدر انك تفهمي شرحها ممتع جدا لدرجة اني أتمنى ماتنتهي المحاضرة وأزعل لما تعتذر.. دايما تقول أسألوا لو منكم فاهمين كيف تتعلموا من غير ما تسألوا ؟ وتقول أنا مرة أفرح لما طالباتي يجيبوا درجات عالية مافي أحد يفرح وهو بيرسب الطلبة .. تعطينا اميليلها وتقول راسلوني لو منكم فاهمين أو تبغوا اي شي .. حتى في الاجازات الحج واجازة الاسبوع الي نص الترم تقول راسلوني عادي وترد على الايميلات بسرعة ... وتراجع مع البنات درجاتهم في النصفي وتوريكم الأوراق وممكن تعدلك الدرجة اذا غلطت في التصحيح أو شي .. أبدا ما تظلمك ماشاء الله عليها ..
تقدّر جميع طالبات المجموعة وتناديهم بأسماءهم أبدا ما تتلفظ على أحد ...شاركي و لا تتكلمي عربي أبدا (حاولي بالانقلش وأنا أساعدك) هي كدا تقول دايما .. تعطي للبنات أسماء مواقع ومجلات بالانقلش عشان يطوروا لغتهم .. دمها خفيف تمزح مع البنات في المحاضرة وتبتسم .. الأسئلة في النصفي تكون منوعة اختياري وصلي وتحب الاشياء الي تكون في البوكسات الصغيرة والاستراتيجيز وممكن أكملي الفراغ في اللسننغ واحيانا تجيب تعداد من الشريط الي تسمعيه .. هي ماتعيد الشريط غير مرتين لكن اذا كنتوا مجموعة محترمة ومؤدبة معاها ممكن تعيد لكم 3 مرات ..وفي النهائي كله اختياري وصلي ... وتحط بونس .. عشان تحسنوا ..
في الجرمر تعمل اختبار بعد كل شابترين عشان تذاكروا لان القرمر لازم له مذاكرة علطول واذا حست انكم مو مذاكرين تعطي واجبات وممكن تقولكم الاختبار في شابتر واحد بس عشان تذاكروا .. في النهائي كل الأسئلة اختياري وكل فقرة بدرجة والفقرات دقيقة ... ماتعتبر سهلة لكنها مهي تعجيزية .. و أعرف بنات أخدوا معاها ودرجاتهم عالية أ+ يعني مافي داعي للخوف منها أبدا بس أهم شي تكوني مؤدبة وتذاكري أول بأول ..
في الريدنق تشرح القطعة بطريقة ممتعة جدا وتخليك تعيشي جو لأنه الاكسنت حقها أمريكي فتحسي كأنك بتدرسي برة ماشاء الله عليها .. الاستراتيجيز والتمارين برضو تشرح وتعيد الين تفهموا ... وتبغا الكل يشارك .. أسئلتها على قد شرحها وتحب الكلمات ومعانيها أغلب أسئلتها اختياري ..

أ/ أسماء مختار:
أستاذة محترمة كمان ... تساعد بناتها على قد ما تقدر ومتفهّمة جدا .. أنا الترم الاول اخدت معاها مادتين والترم التاني مادتين يعني تقريبا محد أخد معاها قدي 4 مواد في ترمين متتاليين يعني عارفة أسلوبها مرة تمام...
من الناس الي تثقي أنهم يصححوا لأنها توريك الورقة وتقبل البنت لما تعترض على درجة وتفهمك ليش نقصتي .. ممكن تزيدك اذا كنتي تستحقي ( مثلا شاطرة طول الترم ومعاها علطول وفي الاختبار نقصتي ) لكنها ماتنقصك ظلما وتعسفا أبدا ماعندها ماشاء الله ..
بالعكس تحاول ترفع درجتك على قد ماتقدر ..
في الكتابة:
تعطي واجبات كتيرة نوعا ما ولازم التسليم عالموعد في بداية الترم وماتحاسبك على الأخطاء لانه بداية الترم الطالبة لسا ماعندها مهارات... وتحب تعمل اختبار مفاجئ عشان تقيس مستوى الطالبة الحقيقي لانه في بنات يجيبوا براقرافات من النت ... اختباراتها الاساسية 4
اختبارين تكتبي براقراف بس ويكون على اخر الترم عشان تكوني اتعلمتي اكبر قدر من مهارات الكتابة .. والنصفي يكون في اسبوع الثقافة والقران عشان تكوني عرفتي كل الي في المقرر ومالك حجة تقولي مني فاهمة .. والأسئلة تكون تمارين سهلة جدا يمكن أسهل أسئلة في القسم أسئلتها ...والنهائي طبعا نفس أسلوب النصفي .. المواضيع الي تعطيك هي سهلة من حياتنا وتسمح بالدكشنري معاك بس استخدميه بحكمة وركزي ايت كلمة بتختاري لانه أحيانا يضرك ما يساعدك ...
( ممكن تنبهك على خطأك في الكتابة على انفراد ... في أول اختبار مثلا ... وبعد كدا صلحتي الخطأ في الاختبار الي بعده ... تسير ما تحاسبك عليه )
في مادة اللغة الانجليزية اسئلة سهلة برضو .. تحب البنات الشطار والي يشاركوا معاها على طووول الخط .. ولو طلبت منكم أي شي واجب أو مذكرة وقالت تجيبوه المحاضرة الجية تجيبوه لانها تنقص ...
الي تتأخر عن المحاضرة غياب علطول ... بس مو دايما تحضّر ..
في الريدنغ تشرح من قلبها وتوقف على كل الكلمات الجديدة كلها ولازم تكوني محضّرة من البيت الريدنغ بالذات مع الكل مو بس معاها لأنه التحضّير يساعدك على فهم أفضل ..

أ/ تهاني بصنوي:
تبا البنت تروحلها المكتب مو عشان كيفك ولا مدري ايش بس عشان تتناقش وتديها من علمها هي كل البنات عندها شطار بس تحب البنات العاقلات
وماتحب الحركات والاشكال الغريبه حتى مرة حكتنا عن اخوها لما يسوي كدش واشياء غريبه ( عشين الموضوع اللي نعبر عنه كان كدا ) فقالت انو مرة ماتحب زي كدا وانه اللي يعمل كدا ناقصين وتتمنى تكب في راسهم موية
و ماتحب تطالع فيهم تبا ناس نورمال وايش فايدة المكياج و و....حتى البنطلون مرة قالتلنا ايش رايكم اذا لبسناه في الجامعه؟
ولما كنا نروح لها عشان التعبير تقول تعالوا من غير ما أناديكم .. يعني تحب البنت تظهر اهتمامها من نفسها بدون ما احد يطلب منها...
عمرها ما قالت لأحد يجيها المكتب أنا مشغولة ولا أبغا أفطر ولا تعالوا وقت تاني بالعكس ترحب بيك في أو وقت طالما هي في مكتبها..
ما تتأخر على محاضراتها وتجي عالوقت أهم شي تسلمي الواجب وتظهري اهتمامك بالمادة ومافي خوووف لأنه ماعندها ظلم أبدا ماشاء الله عليها ..

أ/هنادي أزهري :
تحب المشاركة والتفاعل في المحاضرة يعني لازم تحضّري من البيت ... تعطي درجات على تسليم الواجب فقط في الكتابة .. بغض النظر عن الأخطاء الموجودة فيه .. أهم شي إنك حاولتِ .. ما تسب البنات .. أهم شي تكونوا مؤدبين وتعاملوها بطريقة حلوة وهي تعاملكم تمام ..

أ / نهى باجودة :انسانة أخلاقها عسل ماشاء الله ... إذا بدكم تنجحوا عندها بدرجة حلوة شاركوا معاها كتير , واسألوها كتير وحاولوا تكونوا قدااام .. مافي شي في الصفوف الخلفية .. بس هي تحفظ الي قدااام أكتر شي .. ع الأقل خليكم شهر دوافير عندها وتعالوا قدام .. أسئلتها مرة كويسة وسهلة بس يبغالها تركيز زي كل أستاذات القسم .. دايما تنبه عالاشياء الي تجيبها في الاختبار ... فخلوا القلم في يدكم علطول عشان تكتبوا الاشياء الي تقولها وتركز عليها .. اللسننغ معاها مرة ممتع .. صح انها ماكانت تمزح كتير ولا تضحك .. بس هي مرة أخلاق و عسل كمان .. حتى نطقها للكلمات مرررة سليم ... تعلمك كيف تنطقي زي الأمريكان ... خطوة بخطوة ..

أ / هنيدة أحيد:هادي الأستاذة مرة ممتازة في الكتابة ..و أسئلتها سهلة جدا وواضحة .. وشرحها واضح وسهل .. تحب تضحك وتمزح وتقلب الكلاس فرفشة ومزح .. لما كانت تشرح وتطلب مننا مثال ونغلط ما تقولنا غلط أو تتريق بالعكس .. كانت تترجم لنا بالعربي وتسكت عشان احنا نكتشف الخطأ ونصححه بنفسنا .. يعني مو بس نعرف الخطأ إلا نعرف كيف نصححه كمان( تعلمنا )... تطور مستواك في الكتابة ... وعشان تنجحوا عندها بدرجة حلوة ... لازم تفتحوا مخكم معاها وتشاركوا وتحضّروا معاها وتناقشوا لأنها تفتح مواضيع للحوار.. وتحب تسمع آراء البنات في موضوع النقاش ... ومو لأنه طيبة تتساهلوا معاها بالعكس ... لازم تذاكروا وتشدوا حيلكم ومافي خوف إن شاء الله..

د/ زبيدة عرقسوسي :
دكتورة قديرة جدا ومؤدبة جدا جدا تحترم الطالبات لدرجة انها لما البنات يسلموها ورقة الاختبار تقولهم : ثانكيو وماعتقد في أدب واحترام أكتر من كدا... لما البنات يشاركو تسأل عن اسمك وتقولي اسمك تقولك اتفضلي وبعد ماتجاوبي تقولك ثانكيو وتسلم عليك لو شافتك ماشية في الطريق مهي متكبرة لأنها دكتورة بالعكس متواضعة جدا .. صحيح انها باردة وصوتها واطي لكن لو ركزتِ معاها تفهمي وخلي القلم معاك علطول يسير لو شرحت شي منتِ فاهمته تكتبي معاها علطول ... أسئلتها في القرمر كله اختياري سؤال اختاري الاجابة الصحيحة وسؤال اختاري الكلمة الخاطئة في الجملة وممكن تطلب تصحيح وممكن ماتطلب .. وممكن تكون سمعتها سيئة .. إذا سمعتوا عنها سب لا تستغربوا لأنه الكسالى يسبوها كتير ويقولوا عمرها ما تعطي أ+ لا بالعكس تعطي وعلى حسب اجتهادك .. ما تنقصك ولا تزيدك ... ما تظلمك أبدا ... بالعكس ملتزمة ... مرة من المرات خلتنا نجي الجامعة لغاية آخر يوم قبل اجازة الحج عشان تعطينا محاضرة ... ومرة سألتها ليش كدا يا دكتورة ... خلاص ليش ماتلغي المحاضرة ؟ قالت لي : أنا أحس إنه مالي حرام ومالكم حرام (قصدها عالمكافأة) لو خليتكم تغيبوا بس كدا .. أنا واجبي إني أجي وأشرح ماقدر أقولكم تغيبوا ... الجامعة بتعطيكم فلوس عشان تدرسوا مو عشان تغيبوا ..
بصراحة كلامها خلاني أستحي من نفسي ... احنا رايحين ندرس وراح نتحاسب على الفلوس دي يوم القيامة ..

أ/ اماني مكاوي:
استاذة طيبة شرحها اغلبه شجري في القرمر تحاول توصلك المعلومة بطريقة تانية لو قلتيلها انك مافهمتي وبعد كل شابتر كانت تختبرنا وماشاءالله ماخلص السماستر الا واحنا مذاكرين الكتاب كله واسئلتها اغلبها اختياري او احيطي الكلمة الخاطئة في الجملة او تطلب منك تكوني سؤال من جملة تعطيكي هيا..

أ / نجلآء البليمي :من الاستآذآت الي آفتخر اني تلقيت تعليمي على يدهم ,, استآذه رآئعهـ جدآ في كل شئ في شخصيتهآ وتعآملهآ وشرحهآ .. الله يسعدهآ ,,
في الرآيتنج ,, هذي الاستآذه تحب الطالبات النشيطآت الي يتحآورون معآهآ بالمحآضره والي عندهآ خلفيهـ ثقآفيهـ ,, يعني لمآ تتكلم بآي موضوع تحب البنآت يشآركون بآرائهم تفضل الكتآبهـ في الكلآس عشآن تتآكد من مستوى كل طآلبهـ .. ولازم مرهـ كل آسبوع تقآبلينهآ في مكتبهآ وتصححوآ مع بعض البرجرآفآت تبعكـ طبعآ اختياري كل بنت وكيفهآ يعني مآتحآسب جيتك للمكتب بالدرجآت ,, بس الافضل انكـ تروحي عشآن تتعلمي من آخطآئك ولآ تكرريهآ .. مآتركز على الحضور والغيآب ,, بس في الاسآبيع الاولى وبعدين خلآص مآعآد تحضّر ,, عندهآ الكلآس انجلش x آنجلش حتى لو تكلمتوآ عن موضوع جآنبي .. طريقة آسئلتهآ : في النصفي كآن آكتبي برجرآف + اختاري التوبيك المنآسب + قطعهـ كآملهـ كل سطر فيهـ خطآ .. طلعيهـ وصححيهـ ,,
في النهآئي : اختاري التوبيك + قطعه صححي الاخطآء النحويهـ + قطعهـ صححي الاخطآء الكتآبيهـ ( زي علآملآت الترقيمـ , الروآبط ,, الخ ) + اكتبي عنوآن لقطعهـ + اكتبي توبيك لقطعهـ + اكتبي خآتمهـ لقطعهـ + آدعمي القطعهـ بمعلومات آخرى ,, كثير بنآت تذمروآ من الاسئلهـ انهآ صعبهـ ,, بس صرآحهـ على قد شرحهآ وتعبهآ والي معاها اول بآول وتذآكر حتشوفهآ سهلهـ أما في اللسننغ : تحب المشاركة طبعا وأسئلتها على كل فقرة درجة يعني تحلي بتركيز .. تركز على نطق الكلمات وفي البرزنتيشن تحب الاشياء الي ليها علاقة بالأدب مثلا مسرحيات أو شي زي كدا ... هي تخصصها أدب أصلا ...
نصيحهـ : حضري من البيت + رآجعيهآ كل آسبوع في مكتبهآ وصححي معاها كتآبآتك + ذآكرري اول بآول ..

أ / هالهـ صبآغ :
آستاذه رآئعهـ جدآ .. اخذت معاها جرآمر 1 - ريدينج 2 ,,
هذي الاستآذهـ تركز جدآ على المشآركهـ ,, والحضور والغيآب ,,
مآتحب الهدوء وقت المحآضره ,, تبغى البنآت يتفآعلوآ معاها ,, عندهآ 5 مآركس بونس للطآلبآت الي دآيم يشآركوآ معاها ,, آسئلتهآ سهلهـ جدآ جدآ ,, ليش ؟!
لانهآ كلهآ تجيبهآ من الامثلهـ الي تقولهآ بالمحآضرآت ,, وبعضها نصا من الكتاب..
وآسئلتهآ في الجرآمر : اختاري الاجآبهـ الصحيحهـ + صححي الخطآ + حولي الجملهـ الى سؤآل ..
في الريدينج غآلبآ : طبعآ قطعهـ وعليهآ آسئلهـ + حددي البآرت سبيتش + صلي الجملهـ بمعنآهآ + حطي في الفرآغ الكلمة المنآسبهـ + حطي في الفرآغ التصريف المنآسب للكلمهـ يعني تكون فعل ولا آسم ولآ صفه
تحب الاختياري نادرا ما تجيب سؤال تكتبي الاجابة بيدك ... حاولي تحفظيها اسمك من اول محاضرة لانها تركز على الشطار الي تعرفهم وتعطيهم بونس في حالة نقصوا من هنا ولا من هنا ... أما الي مايشاركوا وماتعرفهم فما لهم بونس ..
نصيحهـ : احضري بدري للمحاضرة لانك لو اتأخرتِ ممكن تحطك غياب + حضري من البيت + سجلي الامثلهـ معاها في المحآضره ,, وان شآء الله تنجحي بـ أ+

*بعض الأستاذات ماذكرتهم لأني ماخدت معاهم لكن صحباتي أخدوا معاهم وحأحط لكم الكلام قريبا ان شاء الله ..



تم اضافة معلومات جديده في الصفحه التاليه

http://uqu1.com/vb/showthread.php?t=28124&page=2

رد رقم 12 للعضوه ( كبرياء )
رد رقم 15 للعضوه (جوانا المالكي )





Home Alone غير متواجد حالياً  
قديم 07-12-2010   #2 (permalink)
عضو جديد
 
الصورة الرمزية مودي عسل
 
تاريخ التسجيل: Jul 2010
المشاركات: 11
افتراضي رد: أسلوب أستاذات سنة 1و2 فقط...

[align=center]مشكوووورة على الموووضوع
اتمنى يستفيدوووا منه طلاب سنة 1 , 2
يعطيك العاااافية واتمنى لي ولكم التووفيق وللجميع
دمتم بووود
[/align]
مودي عسل غير متواجد حالياً  
قديم 07-19-2010   #3 (permalink)
عضو جديد
 
تاريخ التسجيل: Oct 2009
الدولة: مكه
العمر: 27
المشاركات: 16
افتراضي رد: أسلوب أستاذات سنة 1و2 فقط...

اّلسََلاًمِ عليكم ` هووووم . ماشَاءالله عليكي موضوع رَوعه والفكره أروع بججججد راح يستفيدو منو كثير وأهم شيء مايروحو يسألو وكل وحده تصرف مَ‘ـَُِنٍّ عندها •مآقصرتي هوووم \جزآك الْلَّه خير ? المجهود
Sukra غير متواجد حالياً  
قديم 07-21-2010   #4 (permalink)
مشرفة عامة + رئيسة فريق العمل .
 
الصورة الرمزية طمــُـوح ،، ღ
 
تاريخ التسجيل: Aug 2008
الدولة: تآآئهـ بين آلآرض و آلسمآآء
المشاركات: 2,342
افتراضي رد: أسلوب أستاذات سنة 1و2 فقط...

السلام عليكم ورحمة الله وبركاته

جزاكِ الله خير ياعسسل من جد مشكوره

يثبت
__________________

أثق بً ربي بأن هنآك المزيد من الخير سً يمطر علي
كمآ يً مطر على الزهر مطراً...

يً رب
أكتب لي الخير,, حيث كنت واتجهت..!
وأرضيني به
يً ربي أدهشني بعطآيآك....وأسعدني وأسعد من حولي بها
يً رب آسعدني وأرضيني بمآكتبته لي
طمــُـوح ،، ღ غير متواجد حالياً  
قديم 07-22-2010   #5 (permalink)
عضو مجتهد
 
تاريخ التسجيل: Sep 2009
المشاركات: 227
افتراضي رد: أسلوب أستاذات سنة 1و2 فقط...

شكرا ع الموضوع المتكامل انا اخدت مع بعضهم وفعلا زي ما قلتي
و ان شاء الله المستجدين يستفيدوا من دا الكلام

وجزاك الله خيرا
نبض الغلا غير متواجد حالياً  
قديم 07-23-2010   #6 (permalink)
عضو مشارك
 
الصورة الرمزية ღ ŁǿŁ¥ CǿǿŁ ღ
 
تاريخ التسجيل: Jun 2009
الدولة: MAKKAH
المشاركات: 56
افتراضي رد: أسلوب أستاذات سنة 1و2 فقط...

انا جربت :

الاستاذات ..
هاله الحتيرشي ..
هاله ضباغ ..
نجلاء البليمي ..
اماني مكاوي ..
واسماء مختار ..

بصراحه احلى مجموعه درستني ..
الله يجزاهم خير ما قصرو معانا ..
__________________


مو بس ممتلي صدرك طهر ْ~
حتى ثاني أكسيدك حياة ْْ~
ღ ŁǿŁ¥ CǿǿŁ ღ غير متواجد حالياً  
قديم 07-31-2010   #7 (permalink)
عضو مجتهد
 
تاريخ التسجيل: Jul 2010
الدولة: في البيت
المشاركات: 283
افتراضي رد: أسلوب أستاذات سنة 1و2 فقط...

مشكوره كتيير على الموضوع أفدتيني كتيير الله يسعدك
تنتوني غير متواجد حالياً  
قديم 08-03-2010   #8 (permalink)
عضو فعال
 
الصورة الرمزية ..بنت النور..
 
تاريخ التسجيل: Jul 2010
المشاركات: 159
افتراضي رد: أسلوب أستاذات سنة 1و2 فقط...

[align=center]موضووووووووووووووووووووووووووووووووووووووووع قمه في الروعه من انسانه اروع الله يوفقك كان كثييير ناس يقولولي صعب الإنجليزي في الجامعه لاكن الحين اقول لكل مجتهد نصيب روعه استمري الا الأمام حبيبتي انا صراححه شايفتك انسانه مثقفه وبتفهمي واخلاق من غير ماشوفك كلامك بين انا احب الناس اللي كذا حبيبتي ابي اطلب منك طلب والا اقول راح تشوفي طلبي على الخاص لكي ودي واحترامي مشكووووووور يالغلا ويكثر من امثالك.............


..بنت النور..[/align]
..بنت النور.. غير متواجد حالياً  
قديم 08-03-2010   #9 (permalink)
عضو فعال
 
الصورة الرمزية ..بنت النور..
 
تاريخ التسجيل: Jul 2010
المشاركات: 159
افتراضي رد: أسلوب أستاذات سنة 1و2 فقط...

سوووووري ماقدرت ارسلك على الخاص قريب ان شاء الله اكلمك ......اوكي
..بنت النور.. غير متواجد حالياً  
قديم 08-03-2010   #10 (permalink)
عضو فعال
 
الصورة الرمزية ..بنت النور..
 
تاريخ التسجيل: Jul 2010
المشاركات: 159
افتراضي رد: أسلوب أستاذات سنة 1و2 فقط...

[align=center]معليش عشين لازم اسوي 30 مشاركه عشين ارسلك سوووري طولت عليك ياهوووووم الون


..بنت النووور..[/align]
..بنت النور.. غير متواجد حالياً  
موضوع مغلق

مواقع النشر (المفضلة)

الكلمات الدلالية (Tags)
أسلوب, أستاذات, فقط...

أدوات الموضوع إبحث في الموضوع
إبحث في الموضوع:

البحث المتقدم
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة

الانتقال السريع


الساعة الآن 01:15 AM


Powered by vBulletin® Version 3.8.8 Beta 1
Copyright ©2000 - 2018, vBulletin Solutions, Inc.
جميع الحقوق محفوظه لمنتدى طلاب وطالبات جامعة ام القرى