مركز التحميل | نظام التقييم | البوابة الاكترونيه




شروط وقوانيين المنتدى
بحاجة لمشرفين ومشرفات
موقع تسوق tsoq.net لعرض تجارتك وتسويقها لاكبر شريح حراج العقارات والسيارات وحواء والإلكترونيات والكه
التميز خلال 24 ساعة
 العضو الأكثر نشاطاً هذا اليوم   الموضوع النشط هذا اليوم   المشرف المميزلهذا اليوم    المشرفة المميزه 
ندى مهدي
وظيفة نسائية محاسبة
بقلم : ندى مهدي
قريبا
قريبا


الصفحة الرئيسية قوانين المنتدى مركز الرفع البديل موقع جامعة أم القرى إختبر انقليزيتك افحص نظرك الترجمة




إضافة رد
 
LinkBack أدوات الموضوع إبحث في الموضوع انواع عرض الموضوع
قديم 08-09-2010   #1 (permalink)
عضو مبتدئ
 
تاريخ التسجيل: Dec 2008
الدولة: مكة المكرمة
العمر: 28
المشاركات: 24
افتراضي كل ماتحتاج معرفته عن سنة ثانية طب و جراحة



بسم الله ..~


السلام عليكم و رحمة الله و بركاته


مبروك عليكم النجاح ..
من زمان ما كتبت موضوع .. فااعذروني ع الاسلوبـ



.. كل ماتحتاج معرفته عن سنة تانية طب و جراحة من مواد .. دكاترة ..
..




الموآد كتـآلي :
1- Anatomy
2- Physiology
3- Biochemistry
4- Immunology
5- قرآن كريم .. سيرة نبوية .. ثقافة اسلامية



نبدأ أولا بالتشريح ((anatomy :


عدد الساعآتـ : 14 سآعة

فروع المادة : anatomy – histology – embryology

الاختبارات الدورية : السمستر الاول 3 اختبارات دورية _ السمستر التاني فقط اختبارين

الاختبار يشمل جميع الموآد 70% اناتومي – 20% امبريولوجي – 10% هستولوجي

السمستر الاول يتم درآسة الـ upper limb + lower limb في التشريح
Basic histology + basic embryology

و السمستر الثاني في الاناتومي تدرسو abdomen + pelvis+ thorax
More specific histology + development of embryology

اسمآء الدكـآترة : د. حسن شيبة رئيس القسم .. د. وجيه .. د. جمال .. د. الطيب .. د. زارين .. د. محمد أفضل .. د. فارس الطف .. د. عطوفة
د. الاء

..


التشــanatomyــريح/


بالنسبة للأنـآتومي .. تدرسو تشريح الاطرآف .. و هيآ عبارة عن عضلات ذآتـ أسماء كثيرة و أعصآبـ و الشرآين و الاوردة

و تدرسو العظآم .. لازم لازم تركزو على العظآم لانو في الاختبارات العملية فقط تاتي حوالي خمسة اسئلة عنها

صحيح هيا مملة و في كل محل في العظم له اسم و الانحنائات لها اسم و الفجوآت و ايش اسم العضلة الماسكة فيها مررة مهم

يعني بالعربي الاناتومي يحتاج مزاكرة اول باول .. اضغطو على نفسكم ولا تضيعو المنهج ..

بالنسبة للسمستر التاني .. تدرسو الـصــthoraxـدر .. تدرسو فيه القفص الصدر و المسآفة بين الاضلاع و مابدآخلها و القلبـ و الرئة و المساحات الداخلية و تقسيمها ..

و تدرسو البطـabdomenـن بما فيه من اعضاء الكليتين و الكبد و البنكريآس و الامعاء .. الخ بالنسبة للحـpelvisـوض الاعضاء التناسلية و المثانة البولية و بقية الاعضاء ..

بالنسبة للترم التاني رآح يكون أسهل و لكن المنهج ضخم .. و أبدا مافي مجال انك تراكم كلو على بعضو

يحتاج الاناتومي مذاكرة اول باول ولا تتهاونو اسمااااااااااااااء لليل مررة كتير ..

بالنسبة للنظري تحتاجو تحضرو عشان تفهمو .. و تكتبو او تسجلو لا تعتمدو على الكتاب كتير قد ماتعتمدو على كلام الدكتور

اما العملي لازم تحضرو الفيديو في البيتـ .. جيب الفلاش ميموري و حمل الفديوهات من المشرحة و تفرغو و تحضرو في البيت

وتجو المشرحة بس تطبقو ..

بالنسبة للدرجات موزعة بطريقة عآدلة جدا .. منها تروح للاختبارات الدورية و النهائية و منها للبرزنتيشن ( الا هو في العملي تحضر الفيديو في البيت و يجي دكتور يختار قروب يقوم يشرح ) و درجات تروح لنشاط ينعمل آخر السنة و الاختبارات الجماعية

العملي رآح تتقسمو قروبات من 5 اشخاص يقسمها الدكتور حسب اللي جايبين ممتاز و اللي في السكن و اللي لغة الانجليش عندو كويسة و كدآ ..

و تكونو مع بعض طول السنة ..


يدرسكم د. وجيه و د. عبدالعظيم و د. حسن .. العملي د. وجيه و د. الطيب و د. زارين

المرجع : clinical anatomy و clinical atlas of anatomy






..


علـ embryology ـم الاجنة :
و تدرسو فيهـ


general system وovulation .. & Female General system, spermatogenesis,

دا في السمستر الاول .. و طبعن دآ السمستر ممل جدا لانو اسماء غريبة و اشياء غريبة و بعدين يبدأ يصير اسهل مع الوقت ..

لازم تحضرو كلها محاضرة وحدة .. سآعه وحدة في الاسبوع بدون عملي .. أنا كآنت ممتعة بالنسبة ليا لانو اشياء غريبة و طبعن يحتاج

مزاكرة أنا كنت ازاكرو بصراحة في يوم لحالو قبل الاختبار و بعدين اسالتو واضحة و حلوة ..


السمستر التاني

Development of respiratory sys & heart , gut tube , all systems +
development of upper and lower limb
السمستر التاني يصير اسهل و احلى

يدرسكم : د.جمال للبنآتـ و الاولاد

المرجع :medical embryology


..
علـ histology ـم الانسجة :


مادة خفيفة و حلوة وممتعة لو تحضرها هيا ساعة وحدة في الاسبوع و العملي محاضرة وحدة

تشوفو فيها انسجة الجسم كل سيستم شكل انسجتو و كدآ و ايش فيها من غدد و كدآ

في العملي رآح ترسمو الشرآيح اللي قدامكم في كراسة .. انا في السمستر الاول ماكان عندي بس اكلت على راسي لانو طلع عليها درجات

فالترم التاني جبت و صرت ارسم و اصحح و كلو حلو

الحلو في المادة دي أنو قبل اختبارها تحطو الاسئلة اختياري و ترسلوها لليدر المادة و يوصلها للدكتور و هو ينزل لكم مجموعة من الاسئلة تزاكروها و

خلاص مايخرج الاختبار منها .. نحن في احد الاختبارات الدكتور غير شوية في الاسئلة بس الحمدلله الاغلبية وازا ماكنا كلنا جبنا الدرجات كاملة فيها

الحمدلله ..

اللي يدرسكم النظري د. فارس و د. افضل و العملي بالنسبة للبنآتـ د.عطوفة صارمة جدا بالنسبة للقوانين و ترى عندها ماشاء الله ذاكرة حادة تفتكرك كويس في الدرجات ..

او تفتكرك كويس لو كنتي تهرجي كتير او تتاخري بالنسبة للاولاد د. افضل العملي ..

المرجع : basic histology , atlas of histology


..

في معلومة آخيرة في الاناتومي حطوها قدآموو عيونكم .. في الاختبارات النهائية لما تجو تزاكر .. ابدأو من آخر محل اختبرتو فيه .. لانو اغلب الاسئلة ماتجي الا من هنآ ..

الاختبارات الدورية تكون اختياري دايما .. بس النهائية تكون اختياري و مقالي و فراغات و رسمة تحطو بيانات عليها

..



..
Physiology

12 سآعة مقسمة بين العملي ( معملين ) و النظري ( محاضرتين )


الاختبارات الدورية: في السمستر الأول اختبارين و الثاني برضو اختبارين


المنهج : neuro , respiratory sys. , Cardiovascular sys. و يدرسها د. عبدالحليم صيرفي و د.عبدالعظيم و د. وهيب

السمستر الثاني: Renal system, GIT system, Endocrine system, Reproductive system

د. تبريز د. عبد الحليم صيرفي و د. عامر مبارك و د. عادل باحاذق


..


مادة ممتعه .. تدرسو السستمات كلها بالتفصيل
بالنسبة للدكتور عبدالحليم منهجو مرررررة كبيييييير بس ممتع و يبغالو مزاكرة اول باول في اختبارو اعطانا مواضيع و طلب نكتب عنها assay وهيا اللي نزاكرها ..

بس في النهائي اختبارو كان اختياري و بصراحة مرررة صعب أسالتو دقيقة جدا .. تعتمد على الارقام و اي شي يلخبط توقعو جيه ..
و جزئيتو عادتا هيا الاكبر .. يعني اغلبيت الاسئلة على جزئية يعني لا تفكرو تتجاهلو جزئيته..


في الاختبار الدوري راح يقلكم تبغو مقالي ولا اختياري .. اختارو المقالي لانو مرررة يكون سهل تجمعو فيه درجات اما الاختياري بصراحة مررة صعب ..


وفي محاضرتو لازم من الهدوء التام و التركيز و كتابة الملاحظات
بالنسبة للدكتور وهيب .. بصراحة يفهم و اسلوبو حلو وواضح .. طبعن نحن مااختبرنا في جزئيته قام اعطانا نكتب بحث عن موضوع من مواضيع المنهج


و الاختبار النهائي اسالتو حلوة و سهلة فراغات و مقالي و اختياري ..
أما د. عبدالعظيم بصراحة مالو مذكرات .. او يعطيكم العناوين حقت المحاضرة وانتو اخترعو منهج .. طبعن اسهل شي تفرغو اول باول معاااه دا الدكتور الوحيد اللي اعتمد على التفريغ معاه 100% ..

لانو مالو منهج .. و أسالتو لو ماركزتو معاه و لو مافرغتو ولو مارجعتو للمرجع ماراح تحلوها ببساطة


اذكر في اختبارو المراقبة رن جوالها خرجت تتكلم فيه سمعت وحدة تقول للتانية اعطيني اجابة على اي سؤال ترد عليها البنت و الله ماني عارفة اجبت اي شي .. اغلب الدفعة كدآ كآن حظها مع الدكتور .. بس لو تركزو معاه اضمن لكم تحلو ..


السمستر التاني يجيكم تاني د. عبدالحليم صيرفي نفس الطريقة و د. تبريز تعرفو اسلوبو من سنة اولى بس دي السنة مافي خطوط في المذكرة جزئية سهلة أما د. عامر جزئيتو سهلة بس تحتاجو تركزو معاه و تكتبو ملاحظات معاه أما د. عآدل الله يسعدو .. منهجو شوية معقد بس حلووو ..

جآنا اختبار نهاية السنة كلوو اختياري .. اما نهاية الترم الاول كان منوع حسب الدكتور ..

أما العملي بالنسبة للبنآتـ د.عائشة و د. نصرت و د. اعزاز ماشاء الله دكتورة عايشة ذاكرتها قوية تفتكر مين يسمع و مين يحضر ومين يشغل اي بود و ماينتبه ..

بالنسبة للاختبار العملي تجربة و اختياري

المنهج : medical physiology المعروف بقايتون



..



..

Biochemistry

آآه على قد مااكنت انا مررة مااحبها الا انني جبت درجات حلوة فيها

10 ساعات معمل وآحد و محاضرتين د. هالة و د. الطاف و د.عمر و د. نورين

السمستر الاول سهل و مايحتاج انكم تعقدوه بس ترى فهم السمستر التاني يعتمد على فهمك للسمستر الاول

السمستر الاول عن الـ ****bolism of carbohydrate and lipid و بعض الموضيع القصيرة

السمستر التاني مممممم تدرسو كيف عمليات الايض تصير مع بعض و كيف يشتغل الجسم و الطاقة

المنهج كان تقيل على قلبي بس والله سهل و حلو و يبغالو عقل مفتح و حضووووووووووووور

فيه اختبار نصفي و نهائي .. بالنسبة لاختبار الترم التاني يجي تقريبا نص الاسئلة من الترم الاول ..فانتبهووو

و بالنسبة لدكتورة هالة اسئلتها تتكرر كل سنة ..

طبعن كل محاضرة فيها وآجب او بحث مع د. هالة لازم تحلوها وترى تساعد في المزاكرة ..

ولانها مادة ماكنت احبها الا كنت ازاكرها اول باول عشان لا تتراكم عليا و الحمدلله كرهي للمادة فادني

.. هههههههههههههه .. بس ترآها مادة حلوة
بالنسبة للعملي .. الفاااااااااااايل لا تنسوه

..



..


Immunology

ساعتين نظري في الاسبوع

يدرسها للبنات د.منار و للاولاد د. محمد و د. طلعت

مادة متعبة نفسيا بكل المعاااير و المقايس .. و بصرآحة بالنسبة للبنآتـ دكتورة منار صوتها جدا منخفض و تهرج بسرعه و تدخل المواضيع

القديمة في الجديدة و فجاءة تلاقي نفسك روحتي يمين ليسار .. انا ضعت في دي المادة كنت ازاكرها اول باول اجي الاقي الدكتورة بتهرج في شي تاااني


انا كنت معتقدة اني راسبة راسبة في المادة و ابكي في البيت كل مامسكتها و تعبت نفسيتي بسببها لما يئست اني افهمتها صرت وقت المحاضرة اضيع الوقت ع المسن و في البيت اكيد اطنشها اقول لنفسي احفظها الليلتين قبل الاختبار و خلاص ..


الحاصل الليلة قبل الاختبار مرضت مرض شديد و ليلة الاختبار دخلت المستشفى .. في الطوارئ .. يعني خربت خربت مسكت بس اربعة محاضرات و زاكرتها .. و على الرغم انو الاختبار جا منها الا انو اسلوب الاسئلة كان جدا مختلف عن اسلوب دكتورة منار لانو اغلب الاسئلة حطها قسم الاولاد

الحمدلله الدرجات كانت حقت الدفعة كلها زفت و اضطر القسم انو يعمل curve up بعد ترجي و نجحنا الحمدلله

.. نرجع للمادة هيا علم المناعة .. كيف الجسم يدافع السستمات و الخلايا

كان عندنا اختبارين دوريين و واحد نهائي .. طبعن اختياري و الخط

صغييييييييييييييييييييييير و اللي يقهر في المنهج كل الاسماء زي بعض بس مرقمة و كل واحد له وظيفة محددة مثلا عندك : cd19 , cd22 , cd155 ..etc cxc19, cxc8 ..etc
..




..
بالنسبة للموآد الدينية في السمستر الاول سيرة و ثقافة و الثاني قران كريم
سهل ان شاء الله..


..
نصيحة السمستر الاول يبغالو حفظ مصطلحات و فهم وتركيز .. السمستر التاني سهل جدا بس معلوماتو كتيييييييييييييييييييييييييييييييييييييييير و يبغالو اول باول ..



أي سؤال ؟!

بقلمي ..
نرجسية الـ{ أنا غير متواجد حالياً   رد مع اقتباس
قديم 08-09-2010   #2 (permalink)
مشرفة قسم كلية الطب.
 
الصورة الرمزية قلب طفلة
 
تاريخ التسجيل: Jul 2009
الدولة: مكة القلبـ
المشاركات: 486
افتراضي رد: كل ماتحتاج معرفته عن سنة ثانية طب و جراحة

[align=center]امممممم مادري صراحة اش أقووول !!
أولا مرة مرة مشكوووورة وجزاك الله خيييرا على المعلومات المفيدة

بس صراحة خربط مخي وعمل علامات تعجب وعلامات خوف كبيرة !!!
كل مادة تنطح اللي جمبها وتقولها بعدي خليها تزاكرني انا اهم << خرفت البنت
الاناتومي بأقساموا الله يستررر منها والله يعديه على خير
بس اني حبيتو لأنو الكلام اللي فيه هوا اهم شي ويحسسك بعالم الطب
بس الله يهديهم لو قسمو المادة ديه على سنين اكتر
بدل مهم حاطين تلات ارباع الجسم ندرسوا في وقت قياسي ومانركز على كل معلومة ><

الفسيو اممم انشاء الله كويس اذا اتذاكر اول بأول
بس د.الصيرفي دا يخوف من كتر ما اسمع عنو وعن اسلوبوا
بس برضو ربنا يسهلها

والبايو اذا انفهم ان شاء الله يمشي تمام

والامبريو ربنااااا يعين وان شاء الله نذاكروا كويس ونفهمو كويس عشان نجاوب كويس ^^

اممم عندي سمووول كويسشن :
دحين الساعات الفعلية للمواد هيا نفسها اللي تنحسب في المعدل ؟؟
يعني هل فعلا الاناتومي 14 ساعة ندرسها ؟
طيب في كل ترم كم ساعة ؟

مرة تانية جزاك الله خير وربنا يوفقك ويسهل امورك وامورنا يارب [/align]
قلب طفلة غير متواجد حالياً   رد مع اقتباس
قديم 08-09-2010   #3 (permalink)
عضو فعال
 
الصورة الرمزية استاذ / ورطان
 
تاريخ التسجيل: Jul 2009
الدولة: كل مكان أمرُّ به ، يعيش بـه إسمي
المشاركات: 123
افتراضي رد: كل ماتحتاج معرفته عن سنة ثانية طب و جراحة

ماشاء الموضوع كااااامل .. وحلـوو


اشكرك ع طرحك [ واسلوبك ] مع انك من زمان ع الكتابه ..

بالنسبه للاميونولوجي .. انا لها ورب الكعبـه << ههههههههه الله يعين بس ويسهـل
استاذ / ورطان غير متواجد حالياً   رد مع اقتباس
قديم 08-10-2010   #4 (permalink)
عضو مبتدئ
 
تاريخ التسجيل: Dec 2008
الدولة: مكة المكرمة
العمر: 28
المشاركات: 24
افتراضي رد: كل ماتحتاج معرفته عن سنة ثانية طب و جراحة

اقتباس:
كل مادة تنطح اللي جمبها وتقولها بعدي خليها تزاكرني انا اهم
شوفي كل مادة لازم وقتها للمزاكرة .. لا تركزي كل وقتك على مادة وحدة .. و اعرف بنات ركزو على الانااتومي لانو من 14 ساعة و طنشوو التانية .. النتيجة نجحو في الاناتومي و ماعدو التانيية ..



اقتباس:
اممم عندي سمووول كويسشن :
دحين الساعات الفعلية للمواد هيا نفسها اللي تنحسب في المعدل ؟؟
يعني هل فعلا الاناتومي 14 ساعة ندرسها ؟
طيب في كل ترم كم ساعة ؟
ايوا .. ايوا .. و في كل ترم 14 ساعة


.. بالتوفيق للجميع يآربــ
نرجسية الـ{ أنا غير متواجد حالياً   رد مع اقتباس
قديم 08-23-2010   #5 (permalink)
مشرفة قسم السنه التحضيريه .
 
الصورة الرمزية المتَميزة
 
تاريخ التسجيل: Aug 2010
الدولة: جدة غير
المشاركات: 616
افتراضي رد: كل ماتحتاج معرفته عن سنة ثانية طب و جراحة

مشكووورة ع التوضيح

بس خفت شوية من المواد و المصطلحات الطويلة

ربي ييسرلكم اموركم و نشوفكم دكاترة
المتَميزة غير متواجد حالياً   رد مع اقتباس
قديم 09-06-2010   #6 (permalink)
عضو مبتدئ
 
تاريخ التسجيل: Dec 2008
الدولة: مكة المكرمة
العمر: 28
المشاركات: 24
افتراضي رد: كل ماتحتاج معرفته عن سنة ثانية طب و جراحة

يوفق الجميع يآآآآربـ
نرجسية الـ{ أنا غير متواجد حالياً   رد مع اقتباس
قديم 02-13-2011   #7 (permalink)
مشرف على كلية الطب والسنة التحضيرية
 
الصورة الرمزية DEMENTIA
 
تاريخ التسجيل: Jan 2011
الدولة: .
المشاركات: 61
افتراضي رد: كل ماتحتاج معرفته عن سنة ثانية طب و جراحة

[align=center]شكرَ اللهُ لكِ جهدك

يستحقُ التثبيت ولا جِدال
[/align]
__________________
[imgr]http://store2.up-00.com/Dec10/mxS75716.jpg[/imgr]
وقفت بين يدي مفسر الأحلام
قلت له: ياسيدي رأيت في المنام
أني أعيش كالبشر
وأن من حولي بشر
وأن صوتي بفمي
وفي يدي الطعام
وأنني أمشي ولا يتبع من خلفي أثر!
فصاح بي مرتعدا: يا ولدي حرام..
لقد هزئت بالقَدر!
يا ولدي، نم عندما تنام !!
DEMENTIA غير متواجد حالياً   رد مع اقتباس
قديم 07-03-2011   #8 (permalink)
عضو جديد
 
تاريخ التسجيل: Jul 2011
المشاركات: 1
افتراضي رد: كل ماتحتاج معرفته عن سنة ثانية طب و جراحة

مرحبا إخت نرجسية مشكورة على موضوعك
بس ياريت توضحين لنا إيش هي جزئية القران الي معانا حفظ في هذي السنة ؟؟وهل يجب علينا شراء الكتب لجميع المواد أما anatomy يكفي؟؟
shosho18 غير متواجد حالياً   رد مع اقتباس
قديم 07-04-2011   #9 (permalink)
مشرفة قسم كلية الطب.
 
الصورة الرمزية قلب طفلة
 
تاريخ التسجيل: Jul 2009
الدولة: مكة القلبـ
المشاركات: 486
افتراضي رد: كل ماتحتاج معرفته عن سنة ثانية طب و جراحة

اقتباس:
المشاركة الأصلية كتبت بواسطة shosho18 مشاهدة المشاركة
مرحبا إخت نرجسية مشكورة على موضوعك
بس ياريت توضحين لنا إيش هي جزئية القران الي معانا حفظ في هذي السنة ؟؟وهل يجب علينا شراء الكتب لجميع المواد أما anatomy يكفي؟؟
نيابة عن نرجسية

القران حفظ الجزء الثاني (جزء تبارك)

الكتب مارح تحتاجي كتب
اغلب الدكاترة ازا مو كلهم يعتمدوا على المذكرات والمحاضرات نفسها
اكتبي مع الدكاترة أو فرغي + المذكرات كفاااااية

الاناتومي قبل سنة كان يحتاج الكتاب
لكن دحين مايحتاج الا التفرييييغ مع د.وجيه وكتابة كل كلمة يقولها

وبالتوفيق
قلب طفلة غير متواجد حالياً   رد مع اقتباس
قديم 07-17-2011   #10 (permalink)
عضو جديد
 
الصورة الرمزية dr.shaza
 
تاريخ التسجيل: Jul 2011
الدولة: مكة المكرمة
المشاركات: 15
افتراضي رد: كل ماتحتاج معرفته عن سنة ثانية طب و جراحة

اختلف الوضع الان
وسار كل جهاز تدرسوه في كل مادة مع بعض
مثلا الجهاز التنفسي تدرسوه فكل المواد وبعدين الهضمي وكداا
وحيسير في ايام تنزلو فيها للمستشفى
دا النظام حيبدا من السنة هادي
بس طبعا نفس المعلومات او اكتر بشوية
نتمناالكم التوفييق ان شاء الله
وتراا سنة تانية ممتعة جدا وتحسو انكم بداتو في القسم الطبي اكتتتتر من سنة اولى
يبالها مزاكرة باستمرار وربنا الكريم

بالتوفيييق ^^ ودعواتكم
dr.shaza غير متواجد حالياً   رد مع اقتباس
إضافة رد

مواقع النشر (المفضلة)

الكلمات الدلالية (Tags)
ماتحتاج, معرفته, ثانية, دراجة

أدوات الموضوع إبحث في الموضوع
إبحث في الموضوع:

البحث المتقدم
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة

الانتقال السريع


الساعة الآن 04:51 PM


Powered by vBulletin® Version 3.8.8 Beta 1
Copyright ©2000 - 2018, vBulletin Solutions, Inc.
جميع الحقوق محفوظه لمنتدى طلاب وطالبات جامعة ام القرى