مركز التحميل | نظام التقييم | البوابة الاكترونيه




شروط وقوانيين المنتدى
بحاجة لمشرفين ومشرفات
موقع تسوق tsoq.net لعرض تجارتك وتسويقها لاكبر شريح حراج العقارات والسيارات وحواء والإلكترونيات والكه
التميز خلال 24 ساعة
 العضو الأكثر نشاطاً هذا اليوم   الموضوع النشط هذا اليوم   المشرف المميزلهذا اليوم    المشرفة المميزه 
قريبا

بقلم :
قريبا
قريبا


الصفحة الرئيسية قوانين المنتدى مركز الرفع البديل موقع جامعة أم القرى إختبر انقليزيتك افحص نظرك الترجمة




إضافة رد
 
LinkBack أدوات الموضوع إبحث في الموضوع انواع عرض الموضوع
قديم 09-03-2011   #1 (permalink)
عضو مبتدئ
 
تاريخ التسجيل: Dec 2008
الدولة: مكة المكرمة
العمر: 28
المشاركات: 24
افتراضي كل ما تحتآج معرفتهـ عن سنة ثآلث طب و جرآحة بجآمعة أم القرى



السسسلام عليكم
كيفكم؟
سنة ثالث طب وجراحة
طيب .. اظن سمعتو انها عنق الزجاجة !!
بس السؤال اللي يطرح نفسو .. ليش سموها كدا ؟
في ناس يقولو عشانها مرعبة .. طويلة .. ثقيلة .. غثيثة .. متعبة .. مميتة .. قاتلة ..> ايش رايكم فيا ههههههههه
بصراحة يقولو لو عديتوها .. خلااااااااااااااص اخر همكم في الطب ..
راي انا ف السنة دي .. كانت بالنسبة ليا .. هيا اللي غيرتني .. من انسانة لا مبالية ثم القشة التي كسرت ظهر البعير .. الى انسانة لا تقهر .. ماشاءالله
احس ثالث قوتني من نواحي كثييييييييير ..~

ايش تحتاجو في السنة دي :

ليدر اقوياء .. يستحملو النقد و العصبية و الحكمة تحركهم لا قلوبهم و مشاعرهم بصراحة ..
ليدر و ليدرة الدفعة .. لازم يكونو سووووبر ..
انا كنت ليدر الدفعة .. الترم الاول .. انهرت يجي الف مرة .. كم مرة قدام دفعتي .. ما سبيتهم ما تحكمت فيهم .. لكن بكيت دون ادنى سبب .. و اخر مرة زميلة جات قالت هررررج .. كان القشة .. لكن بعدها صرت مثل الفولازم .. بصراحة .. وماكنت لاكون اقوى لولا الله ثم زميلي ليدر الدفعة ..
فعلا كان بيننا تعاون .. زميلاتي الليدرات بعضهم مااستحملو الضغط .. ولكن اخريات اثبتن انهن ارجل من الرجال
ههههههه ..
مثلا ليدر و ليدرة المايكرو.. لازم يتحملو كل شي كلللللل شي .. كان عندنا ايلاف ليدرة المايكرو استحملت ليييييييييين اخر السنة .. لما البنات ماعجبتهم درجات المايكرو طارو فيها خلااااااااااص ايلاف مو ايلاف .. انا زعلت عليها .. مع انو ايلاف ابرد انسانة ..
عشان كدا اقولكم .. ليدرز كلكم تتحملو ..
انا كنت ماسكة الدفعة و قروبي و البارا .. والحمدلله ماانسحبت . . لكن فعلا اثر عليا قليلا جدا ..

المهم /

نبدا في المواد :

Microbiology/

- 8 ساعات في الاسبوع
- الكتاب/ Medical microbiology






- المذاكرة / من المذكرات
بالنسبة ليا .. اممممممممممتع مادة .. حبيتها كدا حلوة .. لكن رأي الدفعة اظن عكس الكلام دا
دي المادة عن ال bacteria في الترم الاول .. ممتع ممتع ممتع .. لكن لازم تحضرو كل المحاضرات .. في البداية تاخدو بكتيريا .. (LABORATORY DIAGNOSIS – EPIDEMIOLOGY - VACCINE DEVELOPMENT )
ال lab. Diagnosis مهم جدااااا .. لا تطنشيوه وازا مافهمتوه لازم تفهمو .. اي شيء مهم في دي المادة .. وكلو يجي في الاختبار .. في اخر الترم راح تاخدو case حالات و تشخصوها .. حلو لو مزاكرين لو مو مزاكرين فعلا وجودكم زي عدمو .. الاسوء لما تتقسمو قروبات .. تضطرو تزاكرو ههههههههه .. ودي المادة يحطو درجات على اي شيء ..
و بالنسبة للبنات .. عندنا نشاطات حلوة .. وحماس نحن عملنا يوم لنشاط المايكرو .. كان حماس .. قروبي عملنا تقرير عن ال MRSA ..كان سيناريو عن سنة 2040 لما يتفشى المرض في مستشفى .. وروحنا مستشفى الولادة و عملنا مقابلة مع دكتور ..
الاختبار النهائي كان جدل كبييير .. اللي حصل زاكرنا من بعد اخر اختبار وركزنا عليه ليلة الاختبار الساعة 1 ف الليل د/فاروق اتصل على ليدر الاولاد .. وقالهم اي شي اخدو البنات و انتو مااخدتوه محذوف .,. والعالم اللي فرح واللي انهار زي حالتي .. لاني ركزت على الجزئية ديكا .. الحاصل جينا الاختبار .. المفاجئة كانت كل الاختبار عن الجزء اللي حزفو الدكتور الجميل هههههههه .. انا فرحت لانو هيا الجزئية اللي زاكرتها .. طبعن جا شورت اسي كتييييييييييير .. والوقت ماكفى الاغلبية .. عشان كدا المزاكرة اول ب اول
البنات تدرسكم د/ عبير .. انسانة جدا تلتزم بالوقت .. تحب الالتزام بالمادة .. والله اعلم مين كمان راح يدرسكم .. بالنسبة للاولاد د/ سامي .. اعتقد الاولاد ماحبوه ..

العملي /
ممممم .. حسيتو مالو داعي .. ماحبيتها .. بصراحة كنت احضر و البيبي ف يدي .. ماادري .. الاختبار العملي ماحليتو تمام بسبب الدرما اللي حصلت في الاختبار .. قسم %%##
اللي تدرس البنات أ/ رانيا .. كل ماتقولكم اختبار قولو طيب .. مذكراتها كبيرة جدن جدن .. في محاضرة كان فيها 300 سلايد !! و التانية 200 سلايد .. بس بصراحة لما زاكرت في النهائي فهمت المادة اكتر .. المايكرو الحلو فيه كل مازاكرتو .. تفهمو اكتر ..
الاولاد يدرسهم د/ فاروق .. جدن طيب ..
المادة دي درامتها كتييييير .. بس ممتعة ..~
الترم الثاني / viruses + mycology+ fungs .. المايكو علم الفطريات .. طبعن اسهل و المذاكرة اخف .. و تحصلو درجات و تعوضو الترم الاول ..
العملي / كلو يصيير كيسات .. اقلكم شي .. المايكو احضرو .. انا ماحضرت ولا محاضرة مايكو .. ف الاختبار ماحليت المايكو بصراحة .. اسئلة المايكو وااااضحة والله ..
اللي يدرسكم ..
البنات / د/ عبير + د/ فاروق (virus) + د/ عبدالله Myco
الاولاد / د. أيمن جوهرجي + د.فاروق + د/ عبدالله
الاختبار / MCQs + short assay
.....

Pathology :
- عدد الساعات / 6 ساعات
- الكتاب / ROBBENS Basic Bathology






- المذاكرة / جزئية د/ رائد جستنية من المذكرات ( الترم الاول ) + د/ وحيد الترم الثاني المذاكرة من الكتاب .. اما البنات كنا نذاكر من تفريغ و مذكرات و الكتاب لكن الدكتورة اتغيرت فشوفو نظام الدكتورة الجديدة او الدكتور ..
مادة ممتعة .. بس لازم مزاكرة اول ب اول .. دي المادة راح تثبت المايكرو مع الباثو .. لازم تتزاكر .. عشان كل شيء يرتبط ببعض .. مثلا ال odema تجي مع شيء و مع شي .. ف الواحد لو مازاكر بتركيز راح يخربط ..
الحلو ف دا القسم انو منفصلين البنات عن الاولاد .. بس يمكن على سنتكم راح يدرسكم دكتور الاولاد .. الله اعلم
المادة واضضضضحة 1+1= 2 .. ببساطة
طيب المادة دي عن ايش ؟
علم الامراض .. كيف المرض يبدأ .. ايش مسبباتو .. ايش تطورو .. بس تدرسو المرض .. مو علاجو
الاختبار كلو MCQs ..

...

Pharmacology:

عدد الساعات / 6 ساعات
الكتاب/ Lippincott's + و كاتزن الترم التاني






الدكاترة / للبنات : د. مرفت – اروع مخلوقة ف الكون – ( الترم الاول) , الترم الثاني د/ مرفت + د/ ليلى
الاولاد الترم الاول د/ احمد ياسين و الثاني د/ احمد + د/ سامي الحمادي + د/ غازي
المادة غليظة .. لكن مع د. مرفت تصير حلوة و سهلة و تساعد كتييييييييير ربي يسعدها .. وتمزح و تضحك و تفهم
تدرسو الترم الاول general pharmacology .. تعاريف .. مهمة جدا .. و ادوية عامة .. و اشكال الادوية .. احضرو و اسالو .. و مكتب دكتورة مرفت مفتوح دايما .. كانت الله يسعدها المشرفه الاجتماعية للدفعة .. كانت صحبتي والله .. دايما تحفزنا و دايما تقولي دارين انتي راح تغيري المجتمع .. ولو احد عمل ثورة هادفة راح تكون انتي و تناديني الثورجية هههههه .. و بما اني ماسكة النادي كنت اروح لمكتبها و اقفل الباب لما تحصل مشكلة مع الشؤون .. اجلس ابككككي عندها ليين تلاقيلي حل و اخرج من مكتبها وهمتي عالييييييييييييييية .. محد صبرني الا هيا .. ربي يسعدها .. راح تحبو الفارما و تحبو ابو الفارما كمان معاها .. وتعمل مراجعة احضروهااا .. لانها تراجع الاختبار تٌقريبا
اما الاولاد يدرسكم دكتور احمد ياسين .. اسئلتو سهههلة .. اسئلة نهاية كل شابتر من الكتاب .. شرحو مو قد كدا .. د/ سامي محاضرتو كلها معلومات و حلوة بس اسئلتو شوييية صعبة , د/ غازي شرحو جيد .. و اسئلتو من شرحو
في البريودك .. مو موحدين .. بس النهائي موحدين .. ف تحتاجو .. البنات في النهائي حطو اسئلة دكتورة مرفت للاولاد .. والاولاد يحطو اسئلة دكتور ياسين .. وكدا ان شاء الله غطيتو المهم ..
الاختبار MCQs ..

...

ANATOMY ..

اجمل ماااااااااااااااااااادة ف الكون
الساعات / 4 ساعات
الكتب/ نفس ثانية + Neuroanatomy by snil






ترم واحد
اول شيء head and neck .. مع دكتور وجيه .. شي ظريف .. سههههلة مرررة اسهل من ثانية .. ركزو على اللي يركز عليه دكتور وجيه .. وشوفو اخر محاضرة معاه اهم شي .. اغلب الاختبار منها .. اما ال Neuroanatomy يحتاج مخييييييييلة واسعة مع دكتور جمال .. راح تدرسو مسارات الاعصاب .. فين توقف .. متى تعطي امر .. في ايت جهة تعطي الامر .. المادة دي تضارب م النيروفسيو .. دوول يقولو كلام و دوووول يقولو كلام .. و بصراحة النيرو اناتومي بس فرغو لدكتور جمال .. انا عاملة تفريغ بالرسم راح انزلكم هوا ان شاء الله
طبعن القسم بعد دكتور حسن .. ماابا اقول .. بصراحة في درجات بتضيييع ماتدرو فين .. تصحيح غريب .. على قد مازاكرت و فهمت بس الدرجات تطيييييييير واللي يقهر زيادة .. الاسئلة سهلة .. الانشطة تصير عليا بس درجتين .. مافي عمل جماعي .. نفسي نفسي .. شيء مقيت .. يعني شوفو اسلوب د/حسن و طبقوه على نفسكم ارجلكم بصراحة
- انا راح انزل لكم مذكرة نيرو اناتومي و مجموعة اشياء تفيدكم ان شاء الله بالاضافة الى الفيديوز


....
Neurophysiology

عدد الساعات / 3 ساعات
ماتحتاجو كتب .. ترم واحد
اللي يدرسكم .. الله اعلم ازا راح يغيرو الاستاف لكن اللي درسنا د/ عامر تخصصو GIT لكن درسنا نيرو مااقلكم قراية بس .. و يدرسكم دكتور تبريز .. الملون في الاختبار
العملي / بنات : د/نصرت + د/عايشة ، الاولاد : د/نجم .. الحلو ف العملي انو عملي جدا XD .. جابو لنا عاملات النظافو وقالو اعملو الاكزمنيشن دا وشوفو ردة الفعل و سجلو ..
حلوة المادة .. ترا مرررة تفرق عن ثانية .. والاغلبية يجيب درجات عالية .. الاسئلة حقت النصفي تجي نفسها في النهائي
المادة دي احيان تتضارب مع الاناتومي لكن اتعلمو تطنشو ههههههههه

..

Hematology /
عدد الساعات / 4 ساعات
ترمين
الكتاب / Essential hematology






اللي يدرسكم / النظري / د. امل للبنات الترمين دي زي مايقولو توديكم البحر وتردكم عطشانين + د. حامد.. ، الاولاد / د. محمد شلبي و د. حامد
اما العملي / أ. أسماء – لا تقولولها دكتورة تعصب :S – و الأولاد / ماادري بصراحة
طيب دي المادة .. تفتكرو الاميونو .. نفس السستم يا معلم .. لكن اقلها الهيما ينفهم .. تدرسو انواع الانيميا مررة كتير .. و الترم الاول .. امراض كريات الدم الحمراء .. الترم التاني / كريات الدم البيضاء و الاشياء التانية اللي ف الدم
شوفو دكتورة امل تفهم و تحزف كتيير .. لكن مملة يارجل .. اما دكتور حامد .. جدن ممل لكن طيب ربي يسعدو و يحزف برضو .. دكتورة امل لما تلاقي القاعة فاضية راح تحضر بالاسماء ..
الهيما الترم الاول من 45 لاو الثاني من 55
نشاطات لين تموتو لكن مايعطوكم درجاتها الا ازا احتجتوها بالعربي لو حترسب يعطوك درجة النشاط
المزاكرة احزفو اللي تحزفو د. امل و د. حامد وزاكرو الباقي و خلاص .. و احضرو اهم شي الحضور هو النظري ساعة وحدة و خلاص
الترم الاول في بريودك واحد من 5 درجات .. و النهائي من 30 و العملي 10 ..
اختبار العملي .. من المذكرات و يعطوكم سلايدات صور امراض الدم .. دي اول شي احفظوها .. هيا صح كتير .. بس دي لو حلتوها تضمنو 3/4 الاختبار ..
الترم التاني اختبارين بريودك من 5 و 5 .. المهم .. الترم التاني يجي من الترم الاول ..
جانا كلو MCQ بس الخط صغييييييييير .. الاسئلة سهلة لو زاكرتو .. والحلو .. تحسي الاجابة تتكرر مع كم سؤال .. وكل الاسئلة مرتبطة بعض
استاذة العملي .. دايما تبهدلنا تحسسنا اننا حثالة المجتمع عشننا طب .. وتعابطنا ف الاناتومي تخيلو بس ..

..

Genetics :

عدد الساعات : ساعتين
الكتاب : مو مهم
الدكتور محمد الطيب ..
مادة سهلة .. زاكرو من مذكراتو و خلاص
الحلو انو اسئلة البريودك .. تجي كلهاااااااااااا ف النهائي + اسئلة ال tutorial .. خذو اسئلتنا نفسهااااا
ايش ال tutorial .. تتقسمو 3 قروبات .. و اسئلة و تنافس .. ووحدة تجاوب و كل سؤال ب درجة التوتوريال تكسبو وراه 10 درجات .. بس جاوبو على الاسئلة .. حمااااااااااااااس


...

Biostatistics :

مادة مهمة جدا .. واللي يشوف انها مو مهمة هاتو اتضارب معاه
عدد الساعات : 3 ساعات
الكتاب/ مافي
الدكتور / سليمان مرداد .. دكتور رهيب خطييير .. مرعب ههههههههههه .. اللي يخاف منو يستلمو رسميا .. يفهم و يرعب .. طبعن مااقدر افيدكم كتير بسبب المشاكل اللي حصلت ..
في ناس يقولو اللي حصل .. انو الدكتور مادرسنا خير .. تدرو انو ف الاختبارات العالمية .. البايوستات ياخد عدد كبير من الاسئلة ..
ايش المادة دي ؟
احصاء طبي .. كيف تعملو بحث .. الاختبارات اللي تحتاجو تعملوها عشان تثبتو صحة الاختبار .. مو رياضيات مع دكتور مرداد .. مادة حلوة ..
العملي تستخدمو برنامج SPSS ..
دكتور مرداد يعمل اكتر من 20 نموذج اختبار .. واختبارو اوبن بوك .. وتجلسو جنب بعض و الرجال اللي يغش هههههههههه .. اسئلتو تتككر ... يعني نفس الاسلوب ..
الدكتور دا يلتزم بالوقت .. لا تفكرو تعصبو لانو راح يدمركم


..

Parasitology /

عدد الساعات / 3 ساعات
الكتاب / مالو داعي
ترم واحد
الدكاترة/ بالنسبة للبنات د/ انهار و العملي أ. رناد , أما الاولاد .. د. محمد
المذاكرة من مذكرة البغدادي .. اما العملي / سلايدات للباراسايت و ترسموها ف الكرسات و دي تتحسب نشاط .. و الاختبار العملي راح يكون سلايدات اكتر من 150 سلايد تحفظوه .. و تكتبو اسمو .. شوفو اقلكم قصة ظريفة هههه
انا كنت مااحب ازاكر من تفريغات .. البريودك الاول .. اكلت على راسي .. الترم التاني .. اكلت برضو على راسي ..
العملي مازكرت مزبوط .. و برضو .. داخلة الاختبار النهائي و انا عندي بس 20 درجة تخيلو .. كل اللي كنت اعملو .. اقول انا راح ارسب راح ارسب .. قررت ازاكر من البغدادي + مذكرات د/ انهار .. كرفت .. 4 ايام والله ماانام الا ساعتين و اصحى اكمل .. و ابكككككي راح ارسب و ازاكر .. شربت المادة شرب .. الحمدلله حليت كل الاختبار
يعني لا تكابرو بالعربي ..
د/ انهار تعمل اخر الترم مراجعة .. اغلبها ف الاختبار .. انا عملت المراجعة معاها تلاقوها ف المنتدى


..
اعطيكم كم نصيحة :


1- اعملو مايند ماب لكل شي .. بالذات المايكرو و الباثو
2- ابدن لا تتضاربو .. اتعاونو .. بنات و بنات .. وبنات و اولاد .. و لا تدخلو الشيطان بينكم .. ولا تعملو دراما
3- السنة دي كلها نشاطات .. استمتعو و كونو creative
4- نصيحة .. جدول الاختبارات البريودك لا تاجلو اي اختبار .. اصلن كل سبت اختبار .. من ثالث اسبوع و انتو كل سبت تختبرو .. انسو الخميس و الجمعة .. ابدن ابدن لا تاجلو و تاخرو و لا تقدمو
5- لا تغيبو .. احضرو و لو كانت محاضرة مملة برضو احضرو
6- اخترعنا انا و ايلاف يوم ايمو Happy day وكان الاحد هوا .. مهما حصل ف اليوم دا مانزعل .. نجيب قهوة و نحضر و حلاوة و نستمتع .. قررنا نستمتع بكل شي .. بالشمس الحارقة .. بالمشاكل .. بالمحاضرات .. مانزعل .. وبعدين صارو كل احد وثلوث وبعدين كل سبت و احد وثلوث .. واتخلصنا من النكد
7- ازا دكتور قالكم اكسترا قولو طيب .. ترا اللي ماانشرح راح يجي ف الاختبار رضيتم ام لم ترضو

..
اتمنى اكون افدتكم ..
ان شاء الله راح انزل سي دي و مذكرة فيها اهم الاشياء تاني يوم ..^^
ربي يوفقكم
ازا احتجتو اي شي .. ارسلولي .. اللي عندها رقمي تتصل .. ف اي وقت و ان شاء الله اساعدكم
دارين ردنه
نرجسية الـ{ أنا غير متواجد حالياً   رد مع اقتباس
قديم 09-04-2011   #2 (permalink)
مشرفة قسم كلية الطب.
 
الصورة الرمزية قلب طفلة
 
تاريخ التسجيل: Jul 2009
الدولة: مكة القلبـ
المشاركات: 486
افتراضي رد: كل ما تحتآج معرفتهـ عن سنة ثآلث طب و جرآحة بجآمعة أم القرى

جعله الله في ميزان حسناتك
قلب طفلة غير متواجد حالياً   رد مع اقتباس
قديم 09-05-2011   #3 (permalink)
عضو فعال
 
الصورة الرمزية استاذ / ورطان
 
تاريخ التسجيل: Jul 2009
الدولة: كل مكان أمرُّ به ، يعيش بـه إسمي
المشاركات: 123
افتراضي رد: كل ما تحتآج معرفتهـ عن سنة ثآلث طب و جرآحة بجآمعة أم القرى

ما شاء اللـه تبارك اللـه

موضوع قممممممة في الروعـة

ألف شكر لك يا نرجسيـة

الله يجزاك كل خيـــــرر صراحة جاء في وقتـه الموضوع
استاذ / ورطان غير متواجد حالياً   رد مع اقتباس
قديم 07-12-2012   #4 (permalink)
عضو جديد
 
تاريخ التسجيل: Jul 2012
الدولة: مكة
المشاركات: 14
افتراضي رد: كل ما تحتآج معرفتهـ عن سنة ثآلث طب و جرآحة بجآمعة أم القرى

شكرا .................................
ــ ا غير متواجد حالياً   رد مع اقتباس
قديم 09-15-2012   #5 (permalink)
عضو جديد
 
الصورة الرمزية أعتز بجامعتي ..
 
تاريخ التسجيل: May 2012
الدولة: مكة
المشاركات: 15
افتراضي رد: كل ما تحتآج معرفتهـ عن سنة ثآلث طب و جرآحة بجآمعة أم القرى

كم أعشقك أيها الطب و كم في قلبي من حنييييين إليييك ... عندما يتحدث عنك أحد أشعر كأننني بعيييد

عنك لأنني لا أستطيييع أن أشاركهم نعم ..!!! و هو كذلك ..

لكن إن أرااد الله لي خيرا في هذا المجااال فهناك أمل بأن أحاول تغيير المسار الذي أنا فيه إلى مسااار صديقي

العزييييز .... (((((((((((( كلية الطب ))))))))))) اسمك له ألف معنى في قلبي شكراااا لكم يا أصدقاء الطب

أرجوكم ارفقوا به و لا تغضبوه ...
أعتز بجامعتي .. غير متواجد حالياً   رد مع اقتباس
قديم 12-25-2012   #6 (permalink)
عضو جديد
 
تاريخ التسجيل: Dec 2012
الدولة: مكة
المشاركات: 10
افتراضي رد: كل ما تحتآج معرفتهـ عن سنة ثآلث طب و جرآحة بجآمعة أم القرى

يسلموا الله يوفقك
شهد الروقي العتيبي غير متواجد حالياً   رد مع اقتباس
قديم 04-15-2013   #7 (permalink)
عضو جديد
 
تاريخ التسجيل: Apr 2013
الدولة: الرياض
المشاركات: 11
افتراضي رد: كل ما تحتآج معرفتهـ عن سنة ثآلث طب و جرآحة بجآمعة أم القرى

مشكور والله يعطيك العافية
قاهر المستحيلات غير متواجد حالياً   رد مع اقتباس
قديم 04-15-2013   #8 (permalink)
عضو جديد
 
تاريخ التسجيل: Apr 2013
الدولة: الرياض
المشاركات: 11
افتراضي رد: كل ما تحتآج معرفتهـ عن سنة ثآلث طب و جرآحة بجآمعة أم القرى

مشكور والله يعطيك العافية لاهنت
قاهر المستحيلات غير متواجد حالياً   رد مع اقتباس
قديم 06-06-2013   #9 (permalink)
عضو جديد
 
تاريخ التسجيل: Jun 2013
الدولة: مكة
المشاركات: 18
افتراضي رد: كل ما تحتآج معرفتهـ عن سنة ثآلث طب و جرآحة بجآمعة أم القرى

يعطيك العافية
جدهـ خديجة غير متواجد حالياً   رد مع اقتباس
قديم 06-06-2013   #10 (permalink)
عضو جديد
 
تاريخ التسجيل: Jun 2013
الدولة: مكه المكرمة
المشاركات: 7
افتراضي رد: كل ما تحتآج معرفتهـ عن سنة ثآلث طب و جرآحة بجآمعة أم القرى




يعطيك العافية





طالب طالب غير متواجد حالياً   رد مع اقتباس
إضافة رد

مواقع النشر (المفضلة)

أدوات الموضوع إبحث في الموضوع
إبحث في الموضوع:

البحث المتقدم
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة

الانتقال السريع


الساعة الآن 09:28 AM


Powered by vBulletin® Version 3.8.8 Beta 1
Copyright ©2000 - 2018, vBulletin Solutions, Inc.
جميع الحقوق محفوظه لمنتدى طلاب وطالبات جامعة ام القرى