مركز التحميل | نظام التقييم | البوابة الاكترونيه




شروط وقوانيين المنتدى
بحاجة لمشرفين ومشرفات
موقع تسوق tsoq.net لعرض تجارتك وتسويقها لاكبر شريح حراج العقارات والسيارات وحواء والإلكترونيات والكه
التميز خلال 24 ساعة
 العضو الأكثر نشاطاً هذا اليوم   الموضوع النشط هذا اليوم   المشرف المميزلهذا اليوم    المشرفة المميزه 
قريبا

بقلم :
قريبا
قريبا


الصفحة الرئيسية قوانين المنتدى مركز الرفع البديل موقع جامعة أم القرى إختبر انقليزيتك افحص نظرك الترجمة


~*¤ طـلاب السنة التحضيرية ¤*~ قسم يهتم بأسئلة وإستفسارات الطلاب في السنة التحضيرية بالكليات الصحية



Like Tree16Likes
إضافة رد
 
LinkBack أدوات الموضوع إبحث في الموضوع انواع عرض الموضوع
قديم 07-04-2014   #1 (permalink)
عضو جديد
 
الصورة الرمزية د.أفنان اليماني
 
تاريخ التسجيل: Jul 2014
الدولة: مكة المكرمة
المشاركات: 13
Embarassed السنة التحضيرية - كل ما توَد معرفته - تجربة شخصية :$





صباح / مساء الخير ~
كيفكم يا حلوين :$ ؟
هوا مدري أنا معروفة أو لا بس ما كنت أدري إنو فيه المنتدى دا وكدا
كيف ماشين مع القبول و التسجيل و السنة الطويلة هادي , و اللي زيي مخلصين التحضيري شعور جميل صح .
موضوعي اليوم بإزن الله حيتكلم عن كل شي في التحضيري تحبو إنو تعرفوه ,
و حيكون مميز لأنو دي السنة دوبو و عارفة إنو قدمت المواضيع مرة في القسم < طلو ع مميز
يارب يكون موضوع ممتع و مشجع لكم , و حاطة في الهيدر كمان إنو كمواصلة تحقيق حلم :$ , بس هوا الموضوع طول ما أنا حاطتو بيكون حلو
المهم موضوعنا نقول حبة طويل بس مو مرا :$ , بإزن الله أقدر أقول كل شي في السنة التحضيرية للمسار الطبي و عشان ما تضيعو بإزن الله :"$ , خليكم معايا


حعرفها بطريقتي طيب
سنة معفنة بكل مافيها و رابع ثانوي مزبوط بنقص درجات فظيع
طيب أمزح دا عندي
السنة التحضيرية يقولو إنها تبين مين يقدر يتحمل الضغط و يكون مزبوط عشان يتخصص ")
و يجيب درجات عالية مع كل الضغط اللي يتعرضلو و كل شي
و نقدر نقول إنها تعلمنا كيف أسلوب الجامعة قبل لا نتخصص اللي نباه و نخبص بعدين !
ف أنا مع ولا مو مع سنة تحضيرية ؟
لا مع سنة تحضيرية لاني استفدت منها كتير و حسيتها جد جهزتني للتخصص اللي اباه ،
و خلتني اعرف اش اختار كمانا ! ف لا تخافو انا بس أهرج
أستمتعو فيها () جد أستمتعو و تعرفو على ناس حلوين و كونّو صداقات في كل مكان ")

يلا نبدأ بالسنة التحضيرية اللي حتاخدوها بإزن الله :$
إيوا ! قبل لا أنسى بالنسبة لنسب القبول فيها - ياخدو من القدرات 30% و المدرسة 50% و التحصيلي 20% .
آخر شي وقف القبول فيلو للمسار الصحي من أهل مكة 84 و ناس تقول 82 - الصراحة قبلو 700 و زيادة ~
من برا مكة تحتاج صك بيت أو موزونة 95+ , و التحويل من عند الرجال
طبعاً بما إنهم قبلو مرا كتير فنحتاج نتصفى كتير فصعبو اختباراتهم ><" - " من رأيي الشخصي "
لا تخافو

ويت مي لحد يرد
أمــل and نونآا like this.
د.أفنان اليماني غير متواجد حالياً   رد مع اقتباس
قديم 07-04-2014   #2 (permalink)
عضو جديد
 
الصورة الرمزية د.أفنان اليماني
 
تاريخ التسجيل: Jul 2014
الدولة: مكة المكرمة
المشاركات: 13
Icon10 رد: السنة التحضيرية - كل ما توَد معرفته - تجربة شخصية :$



الترم الأول الصراحة يقولو يقولو سهل
كان خفيف هوا و مواضيعو مألوفة مرا كتير :$
بس كان غريب شويا لأنو حنكون لسا ما بنعرف حاجة و الناس غريبين و مع قروب يمكن نصو ما نعرفو !
( أنا ما كنت أعرف أي أحد بما إني من مدينة تانية ) .

حتدرسو 5 مواد في هادا الترم :$
حتكلم عنها وحدة وحدة و كل شي فيها إن شاء الله "
.
.

أول شي دي المادة حنروح لها إختبار تحديد مستوى , ع حسب مستواك حتتحط مستوى أول أو تاني أو تالت أو معفي !
الصراحة ما كنت أدري إنو فيه معفيين ولا كنت حليت مزبوط بس حليت أي كلام و كنت مواصلة أصلا ف انحطيت مستوى تاني , المعفيين فكرتهم انو ينزلهم في المعدل A+ جاهزة بما انهم مرا ممتازين وكدا
و خلاص ما ياخدو المادة دي , ف ازا انتا في الانجليزي مش ولا بد مو بس تزاكر لتحديد المستوى و تتعل بعدين في لغتك التعبانة لا تسوو زي كدا حلو باللي تعرفوه , أحس أنا أنصح كدا نقدر نقول أنا من اللي أتغابو ع اختبار تحديد المستوى عشان أبى أرجع أراجع و أشوف الحاجات اللي ما عرفتها و الحمدلله من ربي انو ما عرفت انو معفيين ولا كان هببت كل شي , ف إممم بس زي كدا :$
المادة في المعدل عليها 6 وحدات , و 16 ساعة دراسة للمستوى الأول و التاني و 8 ساعات للمستوى التالت
بالنسبة للمستوى الاول يدرسو 3 كتب " Beginner - Elementary - pre-intermediate "
بالنسبة للمستوى التاني يدرسو كتابين " Elementary - pre-intermediate "
بالنسبة للمستوى التالت يدرسو كتاب واحد بس " pre-intermediate "
كل قروب حيكون لوه مدرسو لحالو إلا بعض القروبات كان فيه مدرستين تعطي أظن !
ما علينا أنا درستني أ.أحلام الغامدي " سعودية الجنسية طبعاً " و كانت كويسة حمدلله و مراعية كتير و كويزاتها قليلة صراحة و تطلب مرا قليل
و تطلعكم بدري كمان :$ , مشروعها كان واحد على قصتين عملنا لها باور بوينت و شرحنا القصتين و غدتنا على حسابها يومتها "
بس انسانة خلتنا نزبط الرايتنق مرا و كانت جدا جدا مدققة عليه عشان لا نحوّس في النهائي ><"
لكن الحمدلله كل الرايتنق تبع 15 وحدة جبت فيلو 15 / 15 , كنت أحب الرايتنق ف الحمدلله ما تعبت فيه ()
المادة حلوة و كتبها حلوة كمان " هيد واي بلس " كانت مساعدة و مليانة رسوم ف تحببك في المادة
بالنسبة لكتاب الالمنتري فهوا تافه
كتاب البري انترميديت كان من متوسط لصعب لأنو مرا حابب الباست و لا أحد يحب الباست وكدا
بس كنصيحة خلو أستازتكم تعملكم كويزات كتير عشان تزاكرو أول بأول و أتزكرو انو المادة دي عليها 6 درجات في المعدل يعني إزا تبى تخسف تخسف مزبوط
أي أسئلة كمانا حابين عن دي المادة أكتبوها تحت :$ !

بالنسبة لإختبارات هادي المادة كانت بالنسبة للمستوى الأول و التاني " الميد تيرم " اللي هوا الاختبار النصفي
كان في كتاب الإلمنتري
و بالنسبة لبنات المستوى التالت فكان في أول 7 وحدات من البري
كان الاختبار سهل للمستوى التالت و صعب لنا و ما أدري إش السبب بس أشتكو البنات كتير من نموزج واحد و جزئية الاستماع كانت شنيعة و أسألتها محيّرة ><"
كان عليه 25 درجة ~
فيه 20 درجة بيد الاستازة
الاختبار النهائي مقسم لإختبارين -
إختبار رايتنق عليه 5 و نهائي لكتاب البري بـ 50 درجة :$
اختبار الرايتنق كان مرا سهل لا تخافو و عاد تعبير عادي تكتبوه زي حق الثانوي
النهائي كان جميل و ما عليه أي كلام () راعونا كتير ربي يسعدهم :$ ,
وكدا خلصنا حمدلله من الإنجليزي و زي ما قلت لكم أي أسئلة أنا موجودة و أكتبوها هنا :$
.
.

الصراحة دي المادة موقعها جدا غلط و أعترضنا مرار و تكرارا على وجودها في مسار صحي !
كانت المادة دسمة نوعا ما لأنها كلها حفظ و جزئية العملي فيها كبيرة مقسمة لتلاتة برامج الوورد و البور بوينت و الاكسل "( غير النظري المهبب
إمممم درستني منسقة المادة إسمها أ.ربى الصايغ " سعودية الجنسية طبعاً " ~
جيدة جداً هادي الأستازة و تفهم و كويزاتها سهلة مرا ()
نقدر نقول جداً أمينة في إعطاء الدرجات "$
المادة عليها ساعتين في المعدل :$
نصيحتي الوحيدة لها انو لازم تتزاكر اول باول عشان حتكتر مرا كتير بعدينا
مواضيعها كانت زي الثانوي مكونات الحاسب و كيف يشتغل الكمبيوتر وكدا

الميد تيرم -
كان في 5 أو 6 شباتر مني فاكرة
مقسم على 2 لانو الشباتر كتيرة كانت :$
كان الاختبار حلو و ما عليه كلام بس التركيز ثم التركيز ثم التركيز
أسئلة الحاسب كدا بس يبالها تركيز و حتجيبو كامل والله :$
النهائي -
كان عندنا 2 عملي للورد و البور بوينت على كل واحد 10
و النهائي كان حلو بس برضو يبالو تركيز مررررا لانو كل سؤال بدرجة -
كل الحاسب كدا مدري ليه مستشرين كل سؤال بدرجة
مني فاكرة توزيع الدرجات
و الحمدلله خلصنا الحاسب ()
أي سؤال زي ماقلت

ويت مي لحد يرد ,
د.أفنان اليماني غير متواجد حالياً   رد مع اقتباس
قديم 07-04-2014   #3 (permalink)
عضو جديد
 
الصورة الرمزية د.أفنان اليماني
 
تاريخ التسجيل: Jul 2014
الدولة: مكة المكرمة
المشاركات: 13
Teeth رد: السنة التحضيرية - كل ما توَد معرفته - تجربة شخصية :$



- تابع


المادة دي
أكتر مادة أشغلتنا في الترم الأول و سببها إنو كان مشروعها الكبير عليه 25 درجة أو 20 مو فاكرة
و كلها شغالة مشاريع أصلاً المفروض يسموها مهارات المشاريع
هيا خفيفة و بالعربي " المادة الوحيدة " طبعا لو تشوفو كتابها تتفجعو منو
وتقولو متى حنزاكر دا الكم الهائل بس عادي خدوها مني قو اند ريد
الحياة جميلة و كدا ^^
لانو مستحيل أي بني آدم حيحفظ الكم اللي هما حاطينو - و حتحلو لا تخافو :*
أسئلتهم دايماً سهلة -
أنا درسوني 3 >< , كل مرة تتغير وحدة !
أول وحدة جاتني إسمها أ.منار ’ "مصرية الجنسية" كانت جداً إنسانة رائعة و زعلنا لما غيروها , ما كملت معانا إلا أسبوع يمكن ! بعدها جاتنا منسقة المادة إسمها أ.تحرير "أردنية الجنسية" و .. لا تعليق ما أبى أهرج في الناس
قعدت معانا يمكن شهر ! بعدها أتغيرت ولله الحمد ! جاتنا وحدة إسمها أ.هديل اليماني " سعودية الجنسية طبعاً " :$ , عسل عسل عسل لأبعد الحدود و كانت هدية من بعد عزاب أ.تحرير "(
كملت معانا لآخر الترم و ما كانت تدينا كويزات و مرة طيبة و تطلعنا متى ما نحب و ربنا يسعدها ()
مو فاكرة توزيع الدرجات في دي المادة مدري ليه (:
بس عليها 3 ساعات في المعدل ^\\^

الميد تيرم -
زي ما قلت أول سهلة أسئلتهم وكدا () كان حلو مرا الميد تيرم و مو فاكرة في كم وحدة بس الجزئية تبع الميد
ما دخلوها في النهائي أظن :$
النهائي -
كان مرا حلو و جميل بس يبالو حبة تركيز لأنو الوحدات حتصعب شويا و لا تخافو حتحلو إن شاء الله ()*
ع كلامهم انو تلاتة ارباع الدفعة A+
:$
زي ما قلت فوق عالأسئلة وكدا :$
و خلصنا من المهارات الحمدلله :$
" أحس إني بهرج عالمواد قليل بس هيا كدا والله ما يحتاج ترا "
.
.

حتحبو دي المادة طول ما إنها من ضمن التخصص اللي احنا نباه اصلا :$
أول شي عليها ساعتين في المعدل
25 ميد تيرم و 15 معمل و 60 فاينل ^^
كيميا ! في دا الترم نقدر نقول عضوية
لأنو كلها تسميات و أشكال وكدا زي الثانوي بالزبط :$
أخدنا كربوهيدات و دهون و بروتينات بكل ما فيها ~.~
حتدرسكم د.هبة عدلي " مصرية الجنسية " إزا أحيانا الله جزئية الكربوهيدرات و د.هبة العمودي " سعودية الجنسية طبعاً " جزئية الدهون و د.فاطمة أحمد " مصرية الجنسية " جزئية البروتينات " للنظري "
المحاضرات دي تتاخد في المدرج كل 3 قروبات سوا أو قروبين !
التوزيع من الادارة في جدولكم حتلاقوه *.*
بالنسبة للمعمل فدرستني د.إيناس فؤاد " مصرية الجنسية " :$ و ما عليها كلام مرا لزيزة :$
بالنسبة للدكتورات كلهم كويسات بنظري بس كنصيحة مني اسمعو تسجيلات الرجال يفهّمو أكتر :$ للنظري طبعاً
و المادة زي ما قلت حلوة و سهلة لكن ! ويلك سواد ليلك لو ما تزاكري محاضرة بمحاضرة حتضيعي
لانو زي ما قلت عضوية و احنا نعرف العضوية كدا يبالها مراجعة و مزاكرة كتير :$

البايو
آآه من دا القسم بس
أول شي كان فيه فاينل لاب من 5 درجات :$
كان تافه والله
و كان فيه فاينل لاب نظري من 5 درجات و كان :$
و 5 درجات في يد الدكتورة
الميد تيرم صراحة دايماً يجي مكرر من السنوات الماضية بس نسخ لصق و دا ما احسو حلو عشان لا بس تحفظو
لا زاكرو و خزنو معلومات تفيدكم بعدينا , و طل عالاسئلة بعدها عشان تضمن درجتك
النهائي كارثة , يعطونا 100 سؤال و يبونا نحلها في ساعتين و كلها يبالها حفر عقل
و الله يسهل لكم و يصبركم زينا
إممم صراحة ينعدو اللي اخدو ممتاز في الترم الاول
و خلصنا كدا من البايو و عالأسئلة زي ما قلنا
.
.

المادة دي لزيزة أوي :$ , تفكركم بالباب الاخير في الأحياء في تالت تبع الترم التاني
عليها ساعتين في المعدل
محاضراتها تطفش صراحة
بس حاولو تسلكو للدكتور و تسلكو لنفسكم و أرجعو البيت زاكرو
اللي درستني د.هند نفادي " سعودية الجنسية طبعاً ":$ كانت تاخد الوقت كامل بس تفهم صراحة
و يقولو كتير من بناتها جابو ممتاز

الميد تيرم
الصراحة فجعونا فيلو لانو قالو 40 سؤال ب 40 درجة !
و كان يبالو تركيز شنيع يفرتك المخ
النهائي
كان من 60 درجة طبعا و أظن كل سؤال بتلاتة ارباع او مني فاكرة مرا !
كان , ناس تقول سهل و ناس تقول صعب
انا لا تعليق
ربنا ييسرلكم لا تخافو ()*
و زي ما قلنا عالأسئلة
وكدا خلصنا الترم الاول بسلامة الحمدلله

واللهِ أفنان تقلكم الترم دا حاولو قد ما تقدرو تجيبو درجات عالية و معدل كامل عشان تجمعولكم درجات لأن
الترم التاني أصعب بكتييير و حيروح دلع الترم دا كلو ف من جد حاولو و حاولو مرا تجيبو معدل كامل ()
أو معدل عالي لا يقل عن 3.90 من 4 :*
ربنا يسهل عليكم ()*
ويت مي لحد يرد ,
أمــل and نونآا like this.

التعديل الأخير تم بواسطة د.أفنان اليماني ; 07-04-2014 الساعة 11:46 PM
د.أفنان اليماني غير متواجد حالياً   رد مع اقتباس
قديم 07-04-2014   #4 (permalink)
عضو جديد
 
الصورة الرمزية د.أفنان اليماني
 
تاريخ التسجيل: Jul 2014
الدولة: مكة المكرمة
المشاركات: 13
Icons54 رد: السنة التحضيرية - كل ما توَد معرفته - تجربة شخصية :$





عاد مر الترم الاول و فرحنا بمعدلاتنا و زعلنا منها يمكن !
عاد دحين لازم نجتهد لأنو بدأنا في الجد الجد ")
و يلا نشوف :$



حناخد 5 مواد برضو في منها نفس مواد الترم الأول بس مختلفة مرا :$
الترم دا حلو لكن مضغوط ترا ><
.
.


رجعت لنا المادة دي يالله منها , إيوا يا قليباتي رجعت و بشكل أصعب كمانا ")
برمجة يالحب , برمجة يالقلوب ") < بس أتحمستي ^^"
عليها 3 ساعات في المعدل :"
بالنسبة لوحدة زيي تحب تفرفر و تفكفك الكمبيوتر فكانت ليا مادة خفيييفة و حلوة :$ < شفتو بس تخوفكم
درستني أ.أشواق الجعيد " سعودية الجنسية طبعاً " , إممم لا تعليق عليها تفهم ما شاء الله و تدي درجات كمانا بس ما تحب الإهمال و التذمر
تساعد كتير بس كويزاتها مهي حلوة , و العملي تبعها سهل ()*
طبيعة المادة انو حناخد تحويلات و لغات برمجة و نمسك وحدة منها و كانت لنا السي ++ و كان البرنامج جميل و سهل و حتتعودو عليه بسرعة :$ فاضمنو في كل شي قبل النهائي انو تجيبو درجات كاملة " أضمنو ها ")



الميد تيرم
الحلو في الميد تيرم هنا إنو كان تحريري ! و نقدر نجمع درجات كتيرة فحاولو تجيبو فل لأنو سهل مرا الميد تيرم ")
النهائي كان ام سي كيوز بس (:
وصلت لنا المنسقة انو ولا وحدة في الدفعة جابت كامل ! و 5 بنات بس نقصو درجة !
و خسف بنات كتيييييييييييير و كنت أبكي بس أستنى نتيجتو و اتأخرت مرا !
بس حمدلله على قد تعبي اخدت ()
ركزوا ركزوا ركزوا " بس دا اللي أقدر أقولو في كل نهائي للحاسب " :\
وبس (:
أي أسئلة عارفين صح ^.^
.
.


البايو دا الترم لا تخافو حلو ()
هوا يتكلم عن الميتابوليزم اللي هيا عمليات الأيض ()
بس قبلو حتاخدو عن الأنزيمات و الفيتامينات و المعادن و بعدها تخشو في الميتابوليزم للكربوهيدات و الدهون و البروتينات (:
و للمرة التانية نفس الدكتورات حيدرسوكم "
د. هبة عدلي حتاخد الانزيمات و ميتابوليزم البروتينات و د.فاطمة احمد ميتابوليزم الكربوهيدرات و جزئية الفيتامينات و المعادن و د.هبة عمودي ميتابوليزم الدهون
و تسجيلات الرجال لا تفوتوها بالله "(
علة البايو هادا الترم انو لازم فهم و حفظ (:
و الحفظ بالدرجة الاولى فزاكروا أول بأول لو سمحتو (:
مافي معمل هادا الترم , المادة عليها ساعتين في المعدل ")



كالعادة البايو ولعانة الأسئلة ,
الميد تيرم كان من 35 درجة ") و كان من سهل - متوسط بس يبالو تركيز مرا كتير !
كان في 6 محاضرات أظن "(
النهائي (:
حركة ال 100 سؤال فيه إيوا فيه :"(
كان النهائي شبه تعجيزي ****": , يعني الصراحة نفش شعري :\
قعدت لآخر الوقت و جاتني بكية هبلة بس تعوزت من الشيطان و توكلت على ربي و سلمت الورقة ()"
زاكرو و اجتهدو و ربي محا يضيع لكم تعب والله :"
وكدا خلصنا و الأسئلة زي ما احنا عارفين
.
.


دا الترم لا عندنا مستويات ولا هباب ! كلنا في الهوا سوا
حناخد كتابين من النيرسينق ") , إش هوا النيرسينق , نقدر نقول مصطلحات طبية شاملة
ليه اختارو النيرسينق ما اختارو الميديسين , لأن الكلمات أكتر في النيرسينق و أشمل
المنهج كان من أوكسفورد , زي الهيد واي . فكان لزيز و كلو صور - حتاخدو نيرسينق 1 بكتاب التمارين تبعو
و نيرسينق 2 لضيق الوقت مافي كتاب تمارين يا دوب تختموه , كل كتاب 15 وحدة زي الترم الاول
عليه 4 ساعات في المعدل
اتبسطو فيلو و خدو الاستفادة الكاملة منو لانو حيفيدكم مرا كتير في السنوات الجية ولا ترمو الكتب تبعو أبداً !
اللي درسني دا الترم أ.سهام بخاري " سعودية الجنسية طبعاً " :$ , شديدة نوعاً ما و ما تحب اللعب و مرا وقت الجد جد و تاخد الساعات كاملة ")
بس جيدة و تعطينا معلومات خارجية و مفيدة () , حبوبة بعيدا عن الدراسة و متعاونة بس تلتزم بالاوقات و تحب الالتزام فيه , إممم أعطتنا هدايا بعد مشروعنا :$ يعني لا تخافو للي حتدرسكم يعني :$



الميد تيرم كان في نيرسينق 1 و كان حلو الصراحة بس كان يبالك صم للكتاب "$
و الحمدلله الدرجات كانت حلوة للكل :$
النهائي كان للنيرسينق 2 و اللي كان أصعب من نيرسينق 1 و محد كان راضي تماما عن آداؤه إلا القليل
و مدري كيف عديتو لأنو الاختبار كان الساعه 3 العصر و ختمتو 11 يمكن
و بس وقتها دقيت ع ماما و اتهزأت منها , عدا الاختبار ع خير و الحمدلله ()
بس زاكرو
خلصنا , إش قلنا عالأسئلة
.
.


واو حندرس فيزيا , يب فيه فيزيا
و اللي مرا ننحسد عليها ترا !
من يوم بداية الترم , الفيزيا محد ياخد A+ إلا العبقري ! مستحيل تتحفظ لك درجات في الفيزيا !
خير خير ؟ سديت ادني عن كل هدولا !
بدا الترم و بدأت بعزم والله في الفيزيا . اللي درستني منسقة المادة أ.فاطمة سعد " سعودية الجنسية طبعاً ":$$
لو ربي ما حط دي الإنسانة كان يمكن أنا مت :$ , ربي يسعدها و يوفقها وين ما راحت :$
اشي تعامل و اشي حبوبة يناسو عليها ربي ينور لها ()
شرحها ممتاز و تفهم () "
كويزاتها بس مسائل :$
كريمة في الدرجات والله و دا شي مرا كويس :$
عسل عسل بكل معنى الكلمة :$
الفيزيا عليه 4 ساعات في المعدل
انطباعي عن المادة انها مهي فيزيا طبية ابدا , سرعه و مسافة و زي الثانوي بالزبط !
مدري ليه سموها كدا صراحة -
الفهم ثم الفهم ثم الفهم و حتجيب A+



الميد تيرم كان مقسم على 2 , كل واحد من 15
الصراحة كان الاختبار الاول أسهل من التاني بكتير :$
كل اختبار 3 شباتر !
كانو كلهم يبالهم تركيز لأبعد الحدود -
النهائي كان 25 سؤال ب 40 درجة
يعني كان خسف شنيع
سويت كل اللي أقدر أعملو والله ") ,
و لك الحمد يا الله راضية عن درجتي فيه ()
فيه فاينل لاب من 10 درجات بس مرا سهل ترا لا تشيلو همو :*
وبس كدا و الأسئلة
.
.


المادة دي لزيزة بشكل
أتبسطو فيها قد ما تقدرو لأنو مواضيعها مرا حلوة و بس كل محاضرة تقولي سبحان الله ()
فيه لاب و فيه نظري :* " عليها 3 ساعات في المعدل
اللي درستني النظري د.إنعام () او ماما إنعام أنا أسميها :$:$:$
من أفضل الدكتورات اللي مرو عليا () , "مصرية الجنسية "() قمة في الأخلاق ()
تخاف علينا زي بناتها بالزبط :$ فيا حظ اللي حتدرسو ماما إنعام :$
المعمل مرا حلو () انا كان عليا كل خميس آخر محاضرة فمرا كنت اختم يومي الحلو اللي اطلع فيه 12 بيه :$
اللي درستني د.وصال عباس " سودانية الجنسية" :$ عسل والله و مرا طيبة ()
بس اختبارها الفاينل كان شويا مدري كيف بس راعتنا كتير و ما نقصتنا كتير ربي يسعدها ()*
المادة بتهرج عن الخلية بعدين تمشي ع اجهزة الجسم و اعضائها ووظائفها و مرا حلوة ()*
بس يبالها مزاكرة اول بأول ولا حتهببو في الفاينل هباب مافي منو



الميد تيرم كان مررررررررررا سهل :$ سواء طالعت أسئلة العام ولا زاكرت بنفسك أطلع و أضمن الفل :$
مرا د.تبريز < اللي عند العيال طيوب و أسئلتو مرا حلوة فالميد تيرم كلو جزئيتو فهوا يحط الأسئلة :*
ما عدا محاضرة وحدة اسمها جهد الخلية دكتورها لا تعليق يعني الله يسامحو ")
النهائي
طبعا رحمة منهم انهم لغو جزئية الميد ما عدا المحاضرة الفشوش تبع جهد الخلية
طبعا الدكتور هداكا عندو حوالي 5 - 6 محاضرات يعطيها ف توقعو كيف جات الأسئلة
المهم الاختبار كان من متوسط لصعب و يبالو تركيز مرا لانو يلعبو بكم كلمة ")
الميد تيرم كان عليه 25 و الفاينل أظن إنو 55 درجة مش فاكرة و المعمل يمكن 15
زاكرو و زاكرو لا تهملو عشان التخصص اللي تبغوه ()*
و بس كدا خلصنا الترم التاني الحمدلله و كل أسئلتكم حرد عليها بإزن الله



واللهِ أفنان تعبت كتير في دا الترم و يمكن اهملت كتير بس كان لأسباب مرضية !
بس سويت كل اللي أقدر عليه الحمدلله "(
راضية عن نفسي تمام الرضا و خاصة الترم دا لأنو عزمت و عزمت و الحمدلله سويت اللي أباه ()*
فخليكم كدا و خاصة دا الترم صبّرو نفسكم بيه إنو خلاص بعدو أنا ححققق حلمي اللي أستناه من 19 سنة :$
زاكرو أول بأول


ويت مي لحد يرد ,
أمــل and نونآا like this.

التعديل الأخير تم بواسطة د.أفنان اليماني ; 07-04-2014 الساعة 11:49 PM
د.أفنان اليماني غير متواجد حالياً   رد مع اقتباس
قديم 07-04-2014   #5 (permalink)
عضو جديد
 
الصورة الرمزية د.أفنان اليماني
 
تاريخ التسجيل: Jul 2014
الدولة: مكة المكرمة
المشاركات: 13
Icon11 الأخيرة ~





الصراحة أعجز عن شكر من عمل دا المقطع لكنو بعث فيا أمل غير طبيعي ()
و إنو كل مرة ممكن نبى نقود نفسنا للفشل نرجع عنو "$
تجارب طلاب الدفعة السادسة " طب " جامعة الملك سعود :$
أستمتعو فيه ()
هون :$
.
.


باللهِ أنا وش نصح
أمزح واللهِ بس دمي خفيف دي الأيام
طبعاً نسيت أقلكم إنو التخصصات رتبناها ع نهاية الترم التاني , و تنزل النتايج بعد انتهاء الدور الثاني للي ما عدو الامتحانات السابقة - أستخيرو قبل كل شي ()*
1. احسن نصيحة كررتها هيا المزاكرة أول بأول و حتعرفو لما تجيبو معدل كامل لما كنتو تزاكرو أول بأول .
2. حاول تحسن لغتك في الإجازة عشان تكسب وقت في المزاكرة مو في الترجمة ! .
3. أطبع السلايدات أول باول ولا تراكمها إلين الإختبار لأنو حتضيع .
4. الكتب حتنزل في مكتبة القمة غالباً , لا تصور و بطل البخل أشتري لك أحسن و أضمن .
5. طلو ع قروب دفعتي للفايدة من الملفات و أرقام المذكرات اللي حطها ليدر دفعتنا في مكتبة الشاعر - ما يصلح أحط الرابط دورو عليه في الفيس :$ .
6. أسمعو تسجيلات الرجال تراهم يفهموا أكتر من الحريم و يقولو بعض الأسئلة خلال الشرح .
7. لا تنسو تقرو قرآن و تحافظو ع صلواتكم و تدعو لكم و للي تحبوهم ()* .
8. لاحقين عاللعب والله , فاتركوه و زاكرو عشان تضمنو تحققو حلمكم و تضمنو مستقبلكم بالشي اللي حلمتو فيه :$ .
إضافات نسيتها "

* التخصصات يسير عليها التنافس بعد ما ياخدو 60% من معدل السنة التحضيرية و 40% من الموزونة اللي دخلنا بيها الجامعة
* يسمحو لنا نسجل محاضرات ؟ مو كل الحريم يرضو بس إحنا بالدس .
* إش حنلبس ؟ ع أيامي كانت وكيلة العميدة د.هبة عمودي ما عندها مشكلة في السكرابز , بس تمنع البناطيل مرا !
و غيرو وكيلة العميدة دي السنة و يقولو إنها شديدة و حتخليكم تلبسوا تنانير و تمنع السكرابز .
.
.
كدا أقدر أقول إني خلصت كل الموضوع و يارب إني أفدتكم ولو بالقليل ()"
ما نبى منكم إلا الدعاء :$ , أسئلتكم و كل شي انا هنا إن شاء الله و أجاوب عاللي تبغوه :$ و ربنا يسعدكم و يوفقكم ()" .





د.أفنان اليماني غير متواجد حالياً   رد مع اقتباس
قديم 07-05-2014   #6 (permalink)
عضو فعال
 
الصورة الرمزية أمــل
 
تاريخ التسجيل: Jun 2014
الدولة: مكة المكرمة
المشاركات: 104
افتراضي رد: السنة التحضيرية - كل ما توَد معرفته - تجربة شخصية :$

وحش مو دكتورة
رهيب رهيب رهيب والله كرهت طلاب وطالبات الطب بجامعة أم القرى < كل ما أكتب استفسار
ما يردوا
لكن أنتي كفيت ووفيت وسقط حكمهم < إذا قام بها البعض سقط عن الباقين
هالشيء خلاني فعلا < أثبت لك أنك دكتورة >
يعطيك العافية على موضوعك كانت بمثابة المساعدة العظيمة لي < الله يوفقك
بس بحب اسألك عدة اسئلة :-
1. الاساتذة و الاستاذات يتكلموا عربي بالمحاضرة ولا لا ؟ < كأول محاضرة لك عند كل اللي درسوك>
2. ممكن تحطي باللهة الرابط حق المذكرات هنآ لأن النت عندي ضعيف ومن أول يحمل بالفيس
3. من صحباتك قد اشتكوا على استاذ أو استاذة ؟ < لأني ما شاء الله شايفة كل اساتذتك طيبين ومتعاونين معاكم >
أمــل غير متواجد حالياً   رد مع اقتباس
قديم 07-05-2014   #7 (permalink)
عضو جديد
 
تاريخ التسجيل: Jul 2014
المشاركات: 13
افتراضي رد: السنة التحضيرية - كل ما توَد معرفته - تجربة شخصية :$

شكراااا من اعمااق قلبي
استفدت من كلامكك كثيييير
وريحني شووي .. ربي يريح قلبككك
ولقيت فيهه اجوبه لكثير اسئله كانت ببالي
ربي يوفقكك ويسعدكك ..

بس ابغى اسالكك عن الانقلش لاحظتي في تطور سريع فيهه ؟؟!!
وايش اصعب شي مر عليكك باول دراستكك ؟!!

وشكراااا ممرا ثانيهه
نونآا غير متواجد حالياً   رد مع اقتباس
قديم 07-05-2014   #8 (permalink)
عضو مبتدئ
 
الصورة الرمزية ذات الهمه العاليه
 
تاريخ التسجيل: Jun 2014
المشاركات: 27
افتراضي رد: السنة التحضيرية - كل ما توَد معرفته - تجربة شخصية :$

ربببي يسسعددكك ويوفقك د.افنان
ماشاء الله الموضوع مرتب ومنظظمم وككل شئ ويريح
الله ييسر لك ككل أموورك ويحقق أحلاممك
تسسسسلمي والله يجزاكي كل خخير
ذات الهمه العاليه غير متواجد حالياً   رد مع اقتباس
قديم 07-06-2014   #9 (permalink)
عضو جديد
 
الصورة الرمزية د.أفنان اليماني
 
تاريخ التسجيل: Jul 2014
الدولة: مكة المكرمة
المشاركات: 13
Icon11 رد: السنة التحضيرية - كل ما توَد معرفته - تجربة شخصية :$

اقتباس:
المشاركة الأصلية كتبت بواسطة أمــل مشاهدة المشاركة
وحش مو دكتورة
رهيب رهيب رهيب والله كرهت طلاب وطالبات الطب بجامعة أم القرى < كل ما أكتب استفسار
ما يردوا
لكن أنتي كفيت ووفيت وسقط حكمهم < إذا قام بها البعض سقط عن الباقين
هالشيء خلاني فعلا < أثبت لك أنك دكتورة >
يعطيك العافية على موضوعك كانت بمثابة المساعدة العظيمة لي < الله يوفقك
بس بحب اسألك عدة اسئلة :-
1. الاساتذة و الاستاذات يتكلموا عربي بالمحاضرة ولا لا ؟ < كأول محاضرة لك عند كل اللي درسوك>
2. ممكن تحطي باللهة الرابط حق المذكرات هنآ لأن النت عندي ضعيف ومن أول يحمل بالفيس
3. من صحباتك قد اشتكوا على استاذ أو استاذة ؟ < لأني ما شاء الله شايفة كل اساتذتك طيبين ومتعاونين معاكم >
أهلاً عزيزتي أمل ()*
فجعتيني بكلمة وحش
ههههههههههههههه لا حرام إزا ما ردو أنا هنا أردلك ولا تزعلي ()
دوبي أقرا الجملة التانية خلاص
الله يسعدك يارب
الله يعافيكِ :*
أسئلتك ~
1- الأغلب اللي درسني نعم كانو يتكلمو عربي ()"
2- ممنوع الروابط هنا ولا حيدوني مخالفة "(
3- لا من صحباتي مافي , يب الحمدلله لا تخافي ()
د.أفنان اليماني غير متواجد حالياً   رد مع اقتباس
قديم 07-06-2014   #10 (permalink)
عضو جديد
 
الصورة الرمزية د.أفنان اليماني
 
تاريخ التسجيل: Jul 2014
الدولة: مكة المكرمة
المشاركات: 13
Icon10 رد: السنة التحضيرية - كل ما توَد معرفته - تجربة شخصية :$

اقتباس:
المشاركة الأصلية كتبت بواسطة نونآا مشاهدة المشاركة
شكراااا من اعمااق قلبي
استفدت من كلامكك كثيييير
وريحني شووي .. ربي يريح قلبككك
ولقيت فيهه اجوبه لكثير اسئله كانت ببالي
ربي يوفقكك ويسعدكك ..

بس ابغى اسالكك عن الانقلش لاحظتي في تطور سريع فيهه ؟؟!!
وايش اصعب شي مر عليكك باول دراستكك ؟!!

وشكراااا ممرا ثانيهه
العفو عزيزتي ()
الحمدلله يارب (:
يارب آمين و انتي معايا

بالنسبة لسؤالك , ايوا مرا كتير و ملحوظ ()
التاني , لا محا تلاقي صعوبة لو كنتي حابة دا الشي ترا :*
د.أفنان اليماني غير متواجد حالياً   رد مع اقتباس
إضافة رد

مواقع النشر (المفضلة)

أدوات الموضوع إبحث في الموضوع
إبحث في الموضوع:

البحث المتقدم
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة

الانتقال السريع


الساعة الآن 06:16 AM


Powered by vBulletin® Version 3.8.8 Beta 1
Copyright ©2000 - 2018, vBulletin Solutions, Inc.
جميع الحقوق محفوظه لمنتدى طلاب وطالبات جامعة ام القرى