عيوب كلية الهندسه في جامعة أم القرى

[MaDa]

السلام عليكم
:)
أنا طالب في السنه التحضيريه في الهندسه
و لاحظت كم شي في الجامعه
انا قبل ما اجي لــ أم القرى
درست في جامعة الملك عبد العزيز سنه وحده
و لاحظت فرق كبيييير
1 _ في جامعتنا مررررررره مو مشديدين من ناحية اللغه الأنجليزيه و انا اشوف مره الشي دا مهم انهم يكونو مشديدين فييه
حتى في نظام الأختبارات با العربي و المصطلحاات الهندسيه اغلبها ما نعرفها بس كلو عربي في عربي
و دا الشي الي يخوف
لما حا تجي تتخرج و تبغى تتوظف في الشركات الكبيره زي أرامكو سابك
لازم يكون عندك لغه
حتى انا استغربت الكتاب تبع السنه التحضيريه لــ الانجليزي المستوى الأووول هوا نفسو الي بــ يدرسووه لــ الإداره و اقتصاد في جامعة الملك عبد العزيز
و كمان عدد الساعات لــ الانجليزي قليله
و مافي دكاتره عدليييييين
و نفسي حتى المواد التانيه يكون با الانجليزي في الشرح و في الاختباراات
الواحد مع الوقت حا يحس انو فاهم و يتخرج عندو لغه
شوووف جامعة الملك فهد (( البترول ) و كامعة ينبع الصناعيه
نظامهم بسسس انجليزي


2_ ما اعرف ليه الين دحين ما فتحو تخصصات تانيه
هندسه كيميائيه ؟؟؟؟؟
هندسه صناعيه ؟؟؟
و دي من التخصصات المرغوبه في سوق العمل و بقوه

3 - انا عن نفسي انشاالله ناوي ادخل هندسه كهربائيه بس انا محبط شويه من ناحية انو حا يكون عاام
انا كان نفسي اتخصص هندسه كهربائيه طبيه
ماادري هل هوا صح انو يكوون عاام


ماادري

انتو ايش رأيكم ؟؟؟؟؟؟

[فارس بني مالك]

كلامك عين العقل جميييع اللي قلته عن اللغة الانجليزية ,, اما فيما يتعلق بخصوص هندسه كهربائيه طبيه اعتقد فيه تخصص في كلية العلوم الطبيه بهذا الاسم اعتقد وما ادري ان شاء الله يوضحون الاخوان اهل الاختصاص .. مشكور على تفاعلك وحياك الله .. تقبل مروري ,,

[Eng_Faisal]

كلامك صحيح 100%

بس اعتقد اذا اخذة الاقاصاد عند السنوسي راح تغير رآيك وراح تقول يازين العربي :clap:

[الحجازي]

اول مرة اسمع احد يقول انو الاختبارات باللغة العربية انت خلص السنه التحضيريه وقابلني ان لقيت المناهج او الاختبارات بالعربي
سنة تحضيريه بالعربي لانو المواد الي تدرسها من خارج الكلية الي هي فيزياء 1 و2 وثقافيه وقران اما الورش او الرسم الهندسي انجليزي لان من الكلية الهندسه
ما اظن تقلي انو كمان هذه المادتين بالعربي لاني درستها قبلك وعارف انا ايش اقوول

[الشيهان]

السلام عليكم ورحمة الله
أخوي mada شاكر لك طرحك
ومن ناحية اللغة الإنجليزية
صحيح لايوجد تشديد في اللغة الإنجليزية وخصوصا في السنة التحضيرية وهذا ماوضحة الأخ الحجازي

ولما تتخصص سوف تجد المناهج باللغة الإنجليزية
ويمكن يكون الشرح باللغة العربية مطعم باللغة الإنجليزية


وأما مناهج اللغة الإنجليزية بصراحة مقصرين فيه الكلية
وهذه المشكلة سوف تتعدل
لأنه من مصدر موثوق في الكلية أن الخطة المستقبلية التي ستفرض على دفعة 29 ولكن لا أعلم هل طبقة أم أجلت
الخطة الدراسية ستكون فيها الكورسات الإنجليزية مكثفة

لأن أغلب مشاكل الطلاب في اللغة لأن المناهج باللغة الإنجليزية


ومن ناحية زيادة التخصصات
كيف يفتحوا تخصصات جديدة ؟؟
والتخصصات القديمة التي لها سنوات عديدة
فيها نقص في عدد الدكاترة والآن يعملوا على سد النقص


ونعم التخصصات عندنا عامه ولا أدري هل هو إيجابي أو سلبي


الأخ فارس بني مالك
مقدرين مرورك
ولكن التخصصات الهندسية لا تدرس إلا في الهندسة وإذا كان هناك تخصصات فهي مجرد تشابه أسماء


م/ فيصل
حبي أوضح على مداخلتك بأن الدكتور يحي السنوسي
يتكلم باللغة الإنجليزية الإمريكية
أو بالأصح العامية
وأنا مثلك لا أفهم من كلامه إلا القليل


آسف أخي على مداخلتي والمطولة أيضا
ولكن وجدت ملاحظات وحبيت أرد عليها

تقبل مروري

[أنا الشاكي]

عندي ملاحطة صغيره على الموضوع

لغتك في كتابة الموضوع لغه عامية بحته لا نتقبلها كمجتمع عربي ياليت يكون عندك لغه عربية فصحى قبل اللغه الانجليزيه

تقبل مروري وشكرا

[@المتخصص@]

ههههههههههههههههههه

الله عليك يالشااااكي


بس هو في الحقييقه

الي يبي يتعلم انقلش في ام القرى

الطريق مفتوووح

موب لازم يقفل ع العاالم الضعيفه انقلييزيا

عشان يتمكن من اللغه



<<< يكره الانقلش

[أبوأجواد]

السلام عليكم
إذا الطالب ما أهتم في مصلحتة وقوى لغته بأي طريقة فلماذا نلوم الجامعة
وعن مدى بساطة السنة التحضيرية في اللغة الإنجليزية سألت مسؤؤل في الجامعة وقال لي
نهتم بالمواد العلمية وخاصه الرياضيه لأنها الأساس في الهندسه
لأن الخطط الدراسيه لجامعتنا تختلف عن الخطط الدراسيه لجامعات أخرى فهم اهتموا في اللغة الإنجليزيه
ونحن نهتم في المواد العلمية لو نهتم باللغه لكانت الخطة موزعه على 12 مستوى يعني 6سنوات
وقال لي لك أن تحكم على مستوى الطلاب المتخرجين من كليه الهندسة من جامعتنا وتقارنهم مع جامعات أخرى
واسألوا الطلاب المتخرجين الذين هم على وظائف وشوفوا وش بيقولوا
وعلى سؤالك الثاني
وعن الأقسام الجديدة ما أعرف عنها أي شئ
وعن التخصصات عامة وفي إعتقادي انه ايجابي ولو بتحدد تخصص في تخصصك فسيكون عن طريق المشروع

تخصصي هندسه كهربائيه والله يحييك معانا لكن بشرط جيب معدل عالي
وتخصص الكهربه إذا انك في المواد الرياضيه دافور فلا تتردد
بتصير تذاكر موادك بمتعة ههههههه

[Dr.Givenchy]

مراحب :poke:

اخوي MaDa الغلط مش في الكليه او المناهج المشكله نفسها في الطلاب وفي بعض الدكاتره اللي مالهم داعي,,

نفسهم هما مايهتموا بالدراسه ,, وسمعة طلاب الهندسه عندنا بكليه الطب مره وحشه :sm1:

مثلا طالب قبل الاختبار بعشرين دقيقه تلاقيه بالقهوه يعسل او يشيش ,,

او

مو فاهم المنهج من اول السنه لآخر السنة سواء كان بالعربي او الانقلش :teach:

الشاطر يقدر يثبت نفسه حتى لو كان نظام الكليه فاشل ,, وهو اللي يطور الكليه ويخليها تكون في التوب

ويبدأ التغيير شويه شويه حتى لو كان في صعوبه من البدايه

,,

الله يعينكم ويوفقكم..

[معـ الجرح أند]

السلام عليكم ورحمة الله وبركاته
صباااااااح الخيرااااااااات.........

كلام الاخ صحيح واللغه مهمه جدا في كليه الهندسه الجامعه مقصره بهالجانب كثير كمان لكن لازم احنا نحاول نطور انفسنا ونستعين بالله ..... الله يوفقك يارب..

[الجووكر]

استفساااار

كم النسبه المطلوووبه في جامعه قسم الهندسه ؟

[الإمبراطور]

الأخ MaDa السلام عليكم
الحقيقة احنا عيال مكة يعني كل واحد يعرف يخارج نفسه وكل واحد على قد المسؤولية
الدكاترة بيعطوا اللي عليهم وعليك الباقي مو معقول حيجروا وراك عشان تتعلم
اتمنالك التوفيق وانتوا عيال جدة على قدها انشاءالله