المساعد الشخصي الرقمي

مشاهدة النسخة كاملة : على هونك حبيب الأمس ابيك تـذوق هجرانـي ,,,

عمر الحارثي
08-11-2008, 10:51 AM
بسم الله الرحمن الرحيم

هذه القصيده لو كنا في زمن المعلقات لكانت من اولى تلك المعلقات ,,,

صاحبها شعر يمشي ع الارض ,,,

صحيح انه غير معروف إعلاميا ولكنه متربع في قلوب محبي الشعر و متذوقيه ,,

وله مكانه كبيره بينهم رغم انه لم يتجاوز الـ 25 !!!

صراحه مهما كتبت فيه ما راح اوفيه حقه ,,,

وشاهدتي فيه مجروحه ,,,

كونه من اعز اصحابي ,,,

اتركم مع حواس الشمري وقصيدته المسماه شموخ إنكساري




بدري صحيت اليـوم تبـي ذاك الزمـان يعـود
أجل عمرك سمعت الميت يرجـع للعمـر ثانـي

ثلاث سنين أعطيتك حـب(ن) مايعـرف حـدود
ثلاث سنين في حبـك خسـاره عمـري الفانـي

تذكر ماضي الذكرى .. تذكر كـل ألـم وصـدود
تذكر يوم أجي ملهـوف تناظرنـي؟ وتجفانـي!

تذكـر يـوم اغنيبـك أحبـك يارحـيـق ورود
تذكـر كـل عبراتـي .. تذكـر كـل أحـزانـي

ليالي راحت بحبـك ليالـي كـل ابوهـا سـود
ليالي عشقك الوهمي ليالـي غربـت أشجانـي

تبي عشقي بعد موتي؟ بعد مرتحت منـك تعـود
على هونك حبيب الأمس ابيك تـذوق هجرانـي

كذا الدنيا تدور بصمت .. كذا فيني الزمان يجود
كذا أفرح .. كذا تحزن .. كذا أضحك .. كذا تعاني

بردد كلمتك دايم وانا اضحك لـك بكـل بـروود
انـا مابيـك تهوانـي ابـي تكبـر وتنسـانـي

وكان انك تبي ترجع .. أرجع بـس فيـه قيـود
أسمـع آخـر ابياتـي ونفـذ قـول قيفـانـي

أبيك تعيش ثلاث سنين .. هـم وعنـا وصـدود
وذاك الوقـت علمنـي يمكـن أعشقـك ثانـي


اتمنى انها تعجبكم
ŋaiƒ
08-11-2008, 11:58 AM
رااائعه أخوووي

مثل ثلاث سنين يابو سعووود

الصد والهجـــر ضيـــم

وصعب الميت يرد حي ثااااني

يعطيك العااافيهـ

ودمــت غالي يابعدي
جهنيه و روحها شماليه
08-13-2008, 01:56 AM
صح لسانك ولسان قايلهااا

تسلم عليهاا

لاعدمنا جديدك المميز

تحياتي
m28ss
08-13-2008, 02:07 AM
صح لسان خويكـ الشمري ,,

و صحيت انت يالغالي ,,


و عز الله انها قصيدة قوية ورائعة ,,


و ننتظر ابداعاتك الشعريه يالعمر ,, :)
المشاكس
08-16-2008, 10:32 PM
عز الله انها قصيده جزله

وبصراحه قوية ومعبرهـ

صح لسانك عمر

ولسان شاعرها

ولا عدمناكـ يالغالي
((عبـــــادي))
08-17-2008, 01:20 AM
تبي عشقي بعد موتي؟ بعد مرتحت منـك تعـود


على هونك حبيب الأمس ابيك تـذوق هجرانـي


صـح لســـآإأن شـــاعرها

وتســلم يمين نـــاقلها


قصيـده في غـــاية الروووعه


التشبيه بهآآآ جـدأً جميـــل


سلمـــت يداكـ يالغـــالي،،


لكـ تقديــري،،
![.. صمت الزو1يا ..]!
08-20-2008, 12:34 AM
قصيده قمه في الروعه ..

صح لسان قائلها وناقلها ..

يعطيك الف الف الف عافيه ..

ولاحرمنا من جديدك ..

:)